Кыргызстандагы жумуш берүүчүлөрдүн дээрлик 80% иш тажрыйбасын талап кылышат
Иш берүүчүлөрдүн 79%ы тажрыйбасы бар талапкерлерден арыз күтөт. Мындан тышкары, талаптардын жарымынан көбү кыска — бир жылдан үч жылга чейинки тажрыйбага тиешелүү. Мындай жыйынтыкты Head Hunter компаниясы веб-сайтында жайгаштырылган жумуш берүүчү жайгаштырган вакансияларга жана талапкерлердин резюмелерине жүргүзгөн талдоосунун негизинде айтты.
Маалыматка ылайык, платформадагы 3.5 миң активдүү вакансиялардын ичинен 21% гана тажрыйбасы жок талапкерлерди ала беришерин билдирген. Иш берүүчүлөрдүн 56%ы кызматкерлердин бир жылдан үч жылга чейинки тажрыйбасы бар болушун талап кылышкан.
Вакансиялардын 4% алты жылдан ашык тажрыйбасы бар кызматкерлерге багытталган. Калган 19% вакансиялар кесиби боюнча үч жылдан алты жылга чейинки тажрыйбасы бар талапкерлерге берилет.
Мындан тышкары, эмгек стажы жок адистер жогорулатылган эмгек акы төлөнүүчү жумушка барса болот – ал бир жыл ичинде 11%га өсүп, 28 973 сомду түзгөн. Алты жылдан ашык стажы бар тажрыйбалуу жумушчулардын бош орундары боюнча эмгек акы бир жылдын ичинде 7%га жогорулап, 72 432 сомду түздү.
Ал эми кесиби боюнча орточо стажысы жана иш стажы (үч жылга чейин) бар адистер үчүн сунушталган жумуштардагы маяна 9%га өсүп, 36 миң 216 сомду түздү. Жаңы баштагандар менен тажрыйбалуу адистердин орточо кирешесиндеги ажырым учурда 43 миң сомду түзөт.
Талдоого ылайык, жумуш берүүчүлөр көбүнчө бухгалтер, өндүрүштүк-техникалык бөлүмдүн инженери, смета боюнча инженер, прораб, курулуш участогунун бригадири, инженер-конструктор сыяктуу кесиптердин тажрыйбасына жогорку талаптарды коюшат.
Ал эми тажрыйбага эң аз жалпы талаптар сатуу боюнча менеджер, кардарларды тейлөө боюнча менеджер, колл-борбордун оператору, байланыш борборунун адиси, сатуу боюнча кеңешчи, кассир жана администратор кызматтарына коюлат.
Белгилей кетсек, Кыргызстанда жумушсуздуктун деңгээли 9%ды түзөт. Эл аралык валюта фондунун (ЭВФ) октябрь айындагы отчетунда айтылгандай 2023-жылы деле ошол деңгээлде калат.
Ал эми Кыргызстандагы Эл аралык республикалык институттун (IRI) Аналитикалык изилдөөлөр борборунун (CISR) изилдөөсүндө айтылгандай, кыргызстандыктар (сурамжылоого катышкандардын) өлкөнүн эң орчундуу көйгөйлөрү катары жумушсуздук жана кымбатчылыкты аташкан.
Назира Абдиева
