Бишкек башкы архитектурасынын жетекчилик орду "кооптуубу"?

Бишкек башкы архитектурасынын жетекчилик орду "кооптуубу"?

УКМК Бишкек башкы архитектурасынын жетекчилерин тигил же бул себептер менен камап жаткандыктан коомдо борбор калаанын башкы архитектору болуу эркиндикке кооптуу деген пикир жаралууда. Economist.kg басылмасы бул позиция чындап эле ошондойбу, текшерип көрүүнү чечти.

Урмат Карыбаев 

Сөздү Бишкек башкы архитектурасынын акыркы жетекчиси – Урмат Карыбаевден баштайлы. Ал кызмат абалынан кыянаттык менен пайдаланган деген шек менен УКМКнын кызматкерлери тарабынан кармалган. Андан соң Биринчи Май райондук сотунун чечими менен ал УКМКнын СИЗОсуна киргизилген.

6-октябрда сот УКМКнын өтүнүчүн канааттандырып, Карыбаевдин баш коргоо чарасын карап, 16-октябрга чейин камакка алуу чечимин чыгарган. ЖМКлар камакка алуу жерди мыйзамсыз берүү боюнча козголгон кылмыш ишинин алкагында болгонун жазып чыгышкан. Келтирилген чыгым 8 млн сом деп бааланууда. Белгилей кетсек, Урмат Карыбаев бул кызматка 2022-жылдын июнь айында келген.

Канат Анарбеков

Урмат Карыбаевге чейин Бишкек башкы архитектура башкармалыгын Канат Анарбеков жетектеп келген. Ал кызматтан кеткенден бир ай өткөндөн кийин – 2022-жылдын июль айында кармалган. Ал УКМКнын убактылуу кармоочу жайына киргизилген. Анарбеков борбор калаадагы көп кабаттуу үйлөрдү жана административдик имараттарды долбоорлоого жана курууга мыйзамсыз уруксат берген деп айыпталган.

Ал ошондой эле Бишкек башкы архитектурасынын кызматкерлеринин жардамы менен курулуш компаниясы тарабынан жер тилкесин рейдерлик жол менен басып алган деп шектелген.

Асхат Тулебердиев

Канат Анарбековго чейин Бишкек башкы архитектурасын Марат Жороев жетектеп келген. Ал бул кызматта алты ай гана иштеген. Башкалардан айырмаланып, ал камалган эмес, жөн эле кызматынан четтетилген. Ал эми ага чейин аталган бөлүмдү Асхат Түлөбердиев жетектеп келген. Ал эми коррупция боюнча айыпталып, УКМКнын тергөө абагына камалган. УКМКнын маалыматы боюнча, 2017-жылы Бишкек мэриясынын, жер ресурстары башкармалыгынын жана Бишкек башкы архитектурасынын кызматкерлери алдын ала жеңүүчүсү аныкталган жер тилкелерине жасалма аукциондорду өткөрүшкөн.

2020-жылдын 24-декабрында жүргүзүлгөн ыкчам-иликтөө иш-чараларынын натыйжасында, Бишкек шаардык архитектурасынын башчысы Асхат Тулебердиев жана жалган тендердин катышуучусу З.М.М., коррупцияга айыпталып кармалган. Андан соң Түлөбердиев үй камагына чыгарылган.

Алмазбек Абдыкаров

2011-2013-жылдары Бишкек башкы архитектура комитетин жетектеп турган Алмазбек Абдыкаров да кызмат абалынан кыянаттык менен пайдаланган – бирок шаардын башкы архитектору катары эмес, Бишкектин Октябрь районундагы кызматында кармалган.

2007-жылы Абдыкаров жерди мыйзамсыз бөлүштүрүү боюнча соттолгон. Анда Алмазбек Абдыкаров 195 жаранга "Көк-Жар" турак жай массивинен, мусулмандар көрүстөнүнөн жана "Ататүрк" сейил багынан жер тилкесин бөлүп берген деп айыпталган.

2007-жылы Бишкек шаардык ички иштер башкы башкармалыгынын тергөө башкармалыгы тарабынан Октябрь райондук администрациясынын жана Бишкек шаардык башкы архитектура башкармалыгынын кызматкерлери жеке турак жай куруу үчүн жер тилкелерин бөлүп берүүдө кызматтык ыйгарым укуктарынан аша чабуу фактысы боюнча кылмыш ишин козгогон. Бирок 2009-жылы соттун чечими менен мыйзам бузуунун эскирүү мөөнөтү өтүп кеткендигине байланыштуу кылмыш иши токтотулган.

Read more

Таласта активисттер Жерүйдүн ишмердүүлүгү менен таанышты

Таласта активисттер Жерүйдүн ишмердүүлүгү менен таанышты

Талас облусундагы Жерүй алтын кенинин ишмердүүлүгү менен жергиликтүү автивисттер тактап айтканда «Апрель баатырлары» жана «Талас Эл Ынтымагы» коомдук бирикмелеринин өкүлдөрү таанышып чыгышты. Бул тууралуу кенди иштетип жаткан «Альянс Алтын» компаниясынан билдиришти. Жергиликтүү активисттер кендин аймагындагы алтын ылгоочу фабриканы, калдыктарды сактоочу жайдын абалын, иштөө тартибин жеринде көрүштү. Мындан тышкары жумушчуларга түзүлгөн

Талас районундагы дарыяларына дагы 20 миң форелинин чабактары кое берилди – долбоорду «Альянс Алтын» колдооду

Талас районундагы дарыяларына дагы 20 миң форелинин чабактары кое берилди – долбоорду «Альянс Алтын» колдооду

Балык запастарын калыбына келтирүү максатында Талас районундагы жайлоодо жайгашкан Түз-Ашуу жана Чоң-Чычкан дарыяларына дагы 20 000 севан форелинин чабактары кое берилди. Бул демилге Талас регионалдык жаратылыш ресурстары, экология жана техникалык көзөмөл башкармалыгы тарабынан «Альянс Алтын» компаниясынын каржылык колдоосу менен ишке ашырылды. Бул тууралуу ишкананын маалымат кызматы билдирди. Экологдордун айтымында, тандалган

«Альянс Алтын» өндүрүштүк калдыктарды курулуш материалдарына кайра иштетүү технологиясын патенттеди

«Альянс Алтын» өндүрүштүк калдыктарды курулуш материалдарына кайра иштетүү технологиясын патенттеди

«Альянс Алтын» компаниясы Кыргызпатенттен алтын казуучу өндүрүштүнкалдыктары — кектерди курулуш тармагында кайра пайдалануу технологиясына автордук укук объектисин каттоо тууралуу күбөлүк алды. Бул тууралуу ишкана билдирди. Бул окуя компаниянын туруктууөнүгүү стратегиясын ишке ашырууда жана экологиялык жактан коопсуз чечимдерди өнөр жай өндүрүшүнө киргизүүдөгү маанилүү кадам болуп саналат. Кектердин экологиялык коопсуздугу илимий жактан да

«Альянс Алтын» Таластын  санэпид борборуна жабдууларды жана эмеректерди жаңыртты

«Альянс Алтын» Таластын санэпид борборуна жабдууларды жана эмеректерди жаңыртты

Таластагы райондор аралык мамлекеттик санитардык-эпидемиологиялык көзөмөлдөө борборуна 405 миң сомдук жаңы эмеректер жана жабдуулар алынды. Долбоорду «Альянс Алтын» каржылаган. Бул тууралуу компаниянын басма сөз кызматы билдирди. «Альянс Алтын» ишканасынын өкүлү Адилет Токторбаев билдиргендей, ишканага материалдык-техникалык базаны жакшыртууга колдоо көрсөтүү боюнча департаменттен расмий кайрылуу түшкөн. Буга байланыштуу керектүү жабдуулар менен камсыз