Япония 5,8 тонна жүктү Эл аралык космос станциясына жөнөттү
Япония HTV-X1 жүк ташуучу космос кемесин Эл аралык космос станциясына (МКС) ийгиликтүү учурганын өлкөнүн аэрокосмостук JAXA агенттигинин маалыматына шилтеме кылуу менен Интерфакс билдирди.
Учуруу Танэгасима аралындагы космостук борбордон H3-24 ракетасы аркылуу ишке ашырылып, кеме менен эл аралык космос станциясына 6 тоннадай жүк жөнөтүлдү.
Япониянын жаңы сериядагы бул HTV-X космос кемеси космос станциясына 29-октябрда туташат. Кеме 2009–2020-жылдары пайдаланылган эски HTV моделинин ордуна келди.
Бул кеме жалпы 5,8 тоннага чейин жүк көтөрө алат. Анын ичинен 4 тоннадайы герметикалык бөлүктө, ал эми 2 тоннасы чоң буюмдар үчүн ачык бөлүктө жайгашат. Өзүнүн жалпы салмагы 16 тонна, узундугу 8 метр, диаметри 4,4 метрди түзөт.
Кеме МКСтен бөлүнгөндөн кийин дагы 18 айга чейин Жер орбитасында илимий эксперименттерди жүргүзүү үчүн колдонулат.
