Intel дүйнөлүк ири корпорациясы 35 500 кызматкерин кыскартты
Intel корпорациясы жаңы башкы директор Лип-Бу Тан баштаган штаттарды оптимизациялоо боюнча масштабдуу программасынын алкагында кызматкерлердин санын дээрлик 35 500 адамга кыскартканы Tom’s Hardware басылмасы жазды.
Компаниянын Баалуу кагаздар жана биржалар үчүн даярдаган акыркы отчету боюнча 3 айда эле бул корпорацияда 20 миң 500 кызматкер кыскартылган.
2025-жылдын сентябрь айынын аягында Intelдин персоналдарынын жалпы саны 88 мин 400 адам болгон. Башында Лип-Бу Тан уюшулган структураларды жана орто звенодогу менеджерлерди кыскартарын билдирген. Бирок, кыскартууларга миңдей инженерлер жана техникалык адистер да туш болгон. Орегон объектисиндеги кыскаргандардын 8%ы менеджерлер экени айтылууда.
Кыскартуулар чыгашаларды кыскартуулар менен коштолгон. 2025-жылдын III кварталында эле изилдөөлөр менен иштеп чыгуулар бюджети 800 млн долларга азайган.
Эске салсак, буга чейин АКШ Intelдин 10% акциясына ээ болгону айтылган.
Intel — дүйнөдөгү микросхемаларды чыгарган ири өндүрүүчү компаниялардын бири жана анын чиптери мунай менен барабар турган стратегиялык ресурс болуп эсептелет.
