Samsung компаниясы экраны үч бүктөлмө смартфон чыгарды

Samsung компаниясы экраны үч бүктөлүп, кайра ачыла турган жыйналма уюлдук телефонун Түшүк Кореядагы саммиттин алкагындагы көргөзмөдө жарнама кылганын америкалык The Verge веб-сайты жазды. 

Бул уюлдук телефондун эки ашыгы (шарнир) бар болгондуктан ал кадимки смартфон да, чоң планшет да болот. Моделдин азырынча белгилүү бир аталышы жок, бирок, кореялык ЖМКлар ал Galaxy Z Trifold деп аталарын жазышкан. Samsung компаниясында бул алардын жаңы изилдөөлөрүнүн бир бөлүгү гана экенин, жыл аягына чейин “жаңы муундагы жабдыктарды” коомчулук сынына коерун билдирген. 

Эске салсак, буга чейин биринчи жолу үчкө бүктөлө турган гаджетти 2024-жылы Huawei фирмасы чыгарып, кийин анын экинчи муундагылар чыгарган. 

А Samsungдун эң алгачкы бүктөлмө телефону 2019-жылы чыгып, 2025-жылы компания Galaxy Z Fold 7телефонун колдонуучуларга сунуштаган.