Германиянын ири компаниялары кызматкерлерин кескин кыскартат
Германиядагы экономикалык кризис күчөп, жергиликтүү компаниялардын үчтөн бир бөлүгү 2026-жылга чейин жумуш орундарын кыскартууну пландап жатыш Экономика институтунун изилдөөсүнө таянуу менен, Казинформ жазды.
Изилдөөлөрдө тастыкталгандай, Германиядагы компаниялардын 36%ы алдыдагы жылы кызматкерлерин кыскартууну көздөсө, болгону 18%ы гана жаңы жумуш орундарын түзүүнү пландап жатат.
Өнөр жай тармагындагы ишканалардын 41%ы жумуштан бошотуулар болорун билдиришкен. Инвестициялар да начарлап, компаниялардын 23%ы гана 2026-жылы инвестиция көлөмүн көбөйтүүнү пландап жатса, 33%ы аны кыскартууну көздөп жатышканы маалым болгон.
Адистер Германиядагы бул каатчылык геосаясий кысымдар жана ички реформалардын жетишсиздиги менен байланыштуу экенин белгилешкен. Алар өкмөттүн миллиарддаган евролук көмөк программалары күтүлгөн натыйжага жетпей калышы мүмкүн деп эскертишет.
Белгилей кетсек, буга чейин Bosch компаниясы 13 миң жумуш ордун кыскартарын жарыялаган. Компания бул кадам аркылуу Европадагы автоунаа рыногундагы кризиске байланыштуу 2,5 миллиард евро үнөмдөөнү көздөп жатат.
Handelsblatt гезити буга чейин АКШ президенти Дональд Трамптын тарабынан киргизилген бажы салыгы 2028-жылга карата Германияга 290 млрд доллар чыгаша алып келерин жазган.
