Кытайда алтынды автоматтык түрдө акча кылып берген аппарат орнотулду
Шанхайда алтын буюмдарды кабыл алып, баалап жана аны кайра алтын ээсинин банктык эсебине акча кылып салып бере турган автоматташтырылган Kinghood аппараты орнотулганын жергиликтүү ЖМКлар маалымдашты.
Аталган система 3 граммдан жогору, алтын пробасы 50%дан төмөн эмес алтын буюмдарды кабыл алат. Ал буюумдуе салмагын, курамын аныктап, Шанхай алтын биржасындагы котировкасы менен алтындын баасын салыштырат жана кармалуучу комиссияны эске алуу менен кардар алуучу сумманы сунуштайт. Кардар макул болсо анын макулдашуусу менен алтын эритилип, ошол замат анын банктык эсебине көрсөтүлгөн сумманы которуп берет. Бул операция болгону 30 мүнөттү алат.
Бул аппаратты кытайлык Kinghood Group компаниясы иштеп чыккан. ЖМКларда бул сервис коомчулуктун кызугуусун жаратып, автоматты колдонууга бир нече ай алдыга кезекке жазылгандар болгону жарыяланган.
