130 атактуунун аккаунттарын бузган хакерге 5,4 млн доллар биткоин айып салынды
Англиянын Королдук прокуратурасы (CPS) хакер Жозеф О'Коннорго болжол менен 130 атактуунун Twitter`деги аккаунттарын массалык түрдө бузуп киргени үчүн 5,4 миллионго жакын доллар биткоин төлөө чечимин чыгарганын эл аралык ЖМКлар прокуратуранын маалыматына шилтеме кылуу менен жарыялашты.
О'Коннор алдамчылык схемасынын натыйжасында алынган 42 биткоинди жана башка криптовалюталарды кайтарып бериши керек. Санариптик активдердин жалпы наркы 4,1 млн фунт стерлингге (5,4 миллионго жакын доллар) бааланган.
Прокуратурадан белгилешкендей, хакер атактуу адамдардын аккаунттарына чабуул жасап андан кийин алардын баракчаларындагы колдонуучуларды адаштыруу жана каражат алуу үчүн колдонгон.
2020-жылдын июль айында болгон бир нече америкалык компаниялардын жана эл аралык атактуулардын баракчаларына криптовалюталарды көрсөтүлгөн даректерге которууну суранган жана каражатты эки эсе кылып кайтарып берүүнү убада кылган билдирүүлөр түшкөн.
Аккаунттары жабыркагандардын арасында Илон Маск, Билл Гейтс, Жефф Безос, Уоррен Баффет, Канье Уэст жана АКШнын мурдагы президенти Барак Обама болгон. Жалпысынан болжол менен 130 аккаунт бузулган.
