АКШ лидери Д.Трампты жактыруу рейтинги 38%га түшкөнү маалым болду
АКШ президенти Дональд Трампты өлкө башчы катары жактыруу рейтинги америкалыктар арасында 38%га түшүп калганы Ipsos компаниясы менен Reuters агенттигинин сурамжылоосунда көрсөтүлгөн.
Бул Ак үй башчысынын рейтингинин эң төмөнкү чеги эмес, буга чейин анын биринчи президенттик мөөнөтүндө рейтинги 33%га чейин түшкөн. Эл анын белгилүү финансист, сот жообуна тартылган педофиль Джеффри Эпштейндин кылмыш иштерин жарыялоого бут тосконуна нааразы болгон. Сурамжылоого катышкандар өлкө башчысы кийин позициясын өзгөртүп, кылмышкер тууралуу материалдарды жарыялоого чакырганына карабай анын бул катасын баса көрсөтүшкөн.
Мындан сырткары, америкалыктардын көбү Дональд Трамптын администрациясы инфляциянын жогорулашын ооздуктай албай жатат деген пикирде.
Сурамжылоого 1 миң 17 америкалык адам катышкан. Президенттик мөөнөтүнүн башында Д.Трампты жактыруу рейтинги 47% болгон.
