"Титаникте" чөгүп кеткен Исидор Штраустун алтын сааты 2,3 млн долларга сатылды
“Титаниктеги” чөгүп кеткен үй-бүлөлүк түгөйлөрдүн алтын сааты Henry Aldridge and Son аукциондук үйү өткөргөн аукциондо тооруктун жыйынтыгы менен 2,33 млн долларга сатылганын Daily Mail агенттиги маалымдады.
IS инициалы бар германиялык-америкалык магнат Исидор Штрауска тиешелүү жана рекорддук суммага сатылган бул Jules Jurgensen саатын ага 1888-жылы жубайы белек кылган.
Аталган саат 2,33 млн долларга сатылып, былтыр 1,56 фунт стерлингге бааланган “Карпатия” кемесинин ээси Артур Генри Рострондун алтын саатынын рекордунан ашып кеткен. “Карпатия” кемеси кезинде “Титаниктеги” 700дөн ашык жүргүнчүнү куткарган.
Эске салсак, германиялык-америкалык магнат Исидор Штраус менен анын жубайы Ида Штраустун жашоосунун акыркы мүнөттөрү Джеймс Кэмерондун “Титаник” фильминде чагылдырылган. “Титаник” сууга чөккөн мезгилде Ида Штраус күйөөсүн таштабаш үчүн куткаруучу кайыктагы орундан баш тарткан. Кеме чөккөндөн бир нече күн өткөндөн кийин Исидор Штраустун денесин жана анын буюмдарын Атлантика океанынан алып чыгышкан. Буюмдардын арасында анын 02.20да токтоп калган алтын сааты да болгон. Саат магнаттын уулу Джесси Штрауска берилген.
Эске салсак, Исидор Штраус кезинде Macy’s, универмагынын негиздөөчүсү болгон. Ушул тапта ал АКШнын эң чоң чекене соода дүкөнү болуп эсептелет.
