Д. Трамп үчүнчү дүйнө өлкөлөрүнөн болгон миграцияны
АКШ президенти Дональд Трамп өлкөдө чет өлкөлүктөрдүн расмий саны 53 миллионду түзөрүн жана үчүнчү дүйнө өлкөлөрүнөн келген адамдар миграциясын биротоло токтоторун билдиргенин ТАСС агенттиги жазды.
“Мигранттардын реалдуу саны алда канча көп. Качкындар түйшүгү – Америкадагы социалдык дисфункциянын негизи себеби. Экинчи дүйнөлүк согуштан кийин эмне гана болгон жок”,-дейт ал.
Буга улай АКШ жарандары болбогон адамдарга мамлекеттик жеңилдиктер берилбей турганын дай айткан.
“Мен биздин өлкөнүн жарандары эместерге федералдык жеңилдиктерди жана субсидияларды кыскартам, ички тынчтыкты бузган мигранттарды жарандыгынан ажыратам жана коомдук жүк болгон, коопсуздукка коркунуч жараткан ар бир жаранды депортация кылам”,-дейт Д.Трамп.
Эске салсак, буга чейин АКШ бийлиги Дональд Трамп администрациясы “тобокелдик тобуна” кошкон 19 өлкөнүн жарандарына берилген грин-карталардын баарын масштабдуу текшерерин жарыя кылган. Мындай буйрукту президент Вашинтонгдогу атышууда Улуттук гвардиянын эки аскер кызматкери курман болгондо берген.
