Android смартондорунда экрандагыларды окуй ала турган вирус табылды
Android смартондорунда экрандагыларды окуй ала турган Sturnus вирусу табылганын Android Authority басылмасы жазып чыкты.
Басылма белгилегендей, вирус колдонуучунун экранындагы маалыматтарды гана көрүп тим болбостон алардын шифрлөө системасын аңтарып чыга алат. Мисалга, Sturnus вирусу Telegram менен Signal мессенджерлериндеги билдирүүлөргө кире алат.
Экран аркылуу вирус паролдорду чогултуп, банктык колдонмолордогу маалыматтарды окуп, иликтейт жана жазышууларды окуп, смартфондогу маалыматтарды анализдей алат.
Эксперттердин айтымында, вирус Google Chrome жана башка популярдуу колдонмолор астында жашырынат. Адистер аны интернеттеги apk-файлдар аркылуу жайгаштырышарын айтышат.
Буга чейин Palo Alto Networks компаниясынын Unit 42 изилдөө бөлүмү Androidдерге зыяндуу Landfall программалык камсыздоосун колдонгон кибершпиондук жаңы кампанияны аныктаган.
