Ууру 19,2 миң долларлык зер буюмун жутуп алды
Жаңы Зеландия полициясы 32 жаштагы эркек киши Фаберже кулонун уурдаган деп айыпталганын The Guardian басылмасы жазып чыкты.
Аталган буюм Джеймс Бонддун “Осьминожка” фильминдеги 18 карат алтындан жасалган жана жашыл эмаль менен капталган кулон болгон. Кулондун ичинде кара бриллианттардан көздөрү бар алтын осминог бар. Кулон 60 ак бриллиант жана 15 көк сапфир менен кооздолгон. Бул зергер буюмунун баасы 19,2 миң доллар турат.
Окленд шаарындагы Partridge Jewellers зергерлик дүкөнүнүн кызматкерлери, эркек киши кулонду алып, аны жутуп койгонун билдиришкен. Шаардын борборунан келген патрулдук топ бир нече мүнөттөн кийин шектүү кишини дүкөндөн кармап, камакка алган.
32 жаштагы эптүү эркек ууруга кулонду уурдоо боюнча айып коюлду жана ал камакка алынды.
