Time журналы жасалма интеллекттин түзүүчүлөрүн "Жыл адамы"атады
Time журналы "Жыл адамы" деп жасалма интеллектти түзгөн адамдарды атады.
Журналдын бетиндеги сүрөт "Асман тиреген имаратта тамактануу" деген белгилүү фотосу стилинде жасалып, тармактагы негизги фигуралар көрсөтүлгөн: Meta компаниясынын негиздөөчүсү Марк Цукерберг, OpenAI компаниясынын башкы директору Сэм Альтман, Nvidia компаниясынын жетекчиси Дженсен Хуанг, X платформасынын ээси Илон Маск, ошондой эле AMD, DeepMind, Anthropic компанияларынын жетекчилери жана ImageNetтин негиздөөчүсү.
Журнал өз тандоосун мындайча түшүндүрөт: ЖИ ядролук куралдан берки эң маанилүү геосаясий куралга айланып, дүйнөлүк экономикага, климат саясатына жана күнүмдүк турмушка кескин таасир этүүдө. Nvidia жана AMD сыяктуу чип өндүрүүчүлөр бул революциянын негизги оюнчулары болуп калды.
Эскерте кетсек, 2024-жылы "Жыл адамы" наамын АКШнын экинчи мөөнөткө шайланган президенти Дональд Трамп алган.
