Кызыктуу

Россияда улуу жазуучу Чыңгыз Айтматовго арналган медаль чыкты

Ишкер Media

20 дек. 2025 15:28

Россияда улуу кыргыз жазуучусу Чыңгыз Айтматовго арналган уникалдуу эстелик медаль жасалганын "Российская газета" басылмасы кабарлады.

Медаль "Дубровин" куюу үйүндө 999-сыноодогу таза күмүштөн жасалган. Медалдын бет тарабында Чыңгыз Айтматовдун профили жана анын белгилүү "Кылым карытар бир күн" романынын аталышы чегилген.

21 нускадан турган алгачкы партиясы Чыңгыз Айтматов фондусуна өткөрүлүп берилди. Белгиленгендей, бул медалдар маданият, искусство жана коомдук турмуштагы белгилүү инсандарга тапшырылат.

Алгачкы медалдарды "Российская газета" басылмасынын Борбор Азиядагы өкүлчүлүгү, Бишкектеги Орус үйүнүн жетекчиси Альберт Зульхарнеев жана Кыргыз-Россия Славян университетинин ректору Сергей Волков алышты.

Мындан тышкары, Москва шаарында Чыңгыз Айтматов фондусунун Россиядагы филиалынын салтанаттуу ачылышы болуп өттү. Иш-чаранын алкагында күмүш медалдар режиссёрлор Андрей Кончаловскийге жана Никита Михалковго, киносынчы Андрей Золотовго, актриса Наталия Аринбасаровага, ошондой эле КРнын Россиядагы элчиси Кубанычбек Боконтаевге дипломатиялык өкүлчүлүктүн музейинин коллекциясы үчүн тапшырылды.

Басылманын белгилешинче, бул долбоор Чыңгыз Айтматовдун адабий мурасына болгон терең урмат-сыйдын белгиси гана болбостон, Кыргызстан менен Россиянын ортосундагы маданий байланыштарды чыңдоонун символу болуп саналат.

Мындан тышкары окуңуз

Миң-Кушту туризм аркылуу өнүктүрүү маселеси көтөрүлдү

Нарын облусунун Жумгал районунда “Миң-Куш айылын туруктуу туризм аркылуу өнүктүрүү — Унутулган шаарларды жандандыруу” аталышындагы форум болуп өттү. Бул тууралуу Президенттин администрациясынан билдиришти. Иш-чара 2023–2027-жылдарга карата Тоолуу аймактарды өнүктүрүү боюнча иш-аракеттердин беш жылдыгынын алкагында уюштурулду. Форум Миң-Кушту жаңы туристтик багыт катары таанытуу жана Жумгал районунун туруктуу өнүгүүсүн талкуулоо үчүн маанилүү

Салык кызматы иш жүргүзбөгөн ишкерлерди каттоодон чыгарууда

Мамлекеттик салык кызматы иш жүргүзбөгөн юридикалык жактарды жана жеке ишкерлерди мажбурлап каттоодон чыгаруу иштерин улантууда. Маалыматка ылайык, төмөнкү учурларда салык төлөөчүлөр каттоодон чыгарылат: * 1 жылдан ашык убакыт салык отчету тапшырылбаса; * акыркы 2 жыл ичинде экономикалык ишмердүүлүк боюнча маалымат болбосо. Белгиленгендей, процесс автоматтык түрдө жүргүзүлүп, айып санкциялары каралган эмес. Бул чара

ӨКМ сел коркунучу боюнча шашылыш эскертүү таратты

Өзгөчө кырдаалдар министрлиги 25-28-май күндөрү өлкө аймагында сел жүрүү коркунучу жогору экенин эскертти. Маалыматка ылайык, аба ырайынын туруксуздугу жана күтүлүп жаткан нөшөрлүү жаан-чачынга байланыштуу тоолуу райондордо жана тоо этектеринде сел жүрүшү мүмкүн. Ошондой эле дарыяларда суунун деңгээли көтөрүлөрү айтылды. ӨКМ жарандарды этият болууга чакырып, өзгөчө алыскы аймактарда жана жол жүрүүдө

Жергиликтүү бийликтин ишин жакшыртуу боюнча Жарлык кабыл алынды

Президент Садыр Жапаров жергиликтүү аткаруу бийлигинин органдарынын жана жергиликтүү өз алдынча башкаруу органдарынын жарандар менен иш алып баруу натыйжалуулугун жогорулатууга багытталган Жарлыкка кол койду. Документ жарандардын кайрылууларын өз убагында кароо, калкка көрсөтүлүүчү кызматтардын сапатын жогорулатуу жана жарандар үчүн ыңгайлуу шарттарды түзүү максатында кабыл алынган. Жарлыкка ылайык, жергиликтүү бийлик органдарында түз