Кыргызстандын калкынын саны 7,46 миллионго жетти
Кыргызстандын туруктуу калкынын саны 2026-жылдын алгачкы алты айында 56,5 миң адамга көбөйүп, 1-июлга карата 7 миллион 461 миңге жетти. Бул тууралуу Улуттук статистика комитети маалымдады.
2026-жылдын январь-июнь айларында жарандык абалдын актыларын жазуу органдарында 66 миң 272 жаңы төрөлгөн ымыркай катталды, бул өткөн жылдын көрсөткүчүнөн 0,6%га көп (өткөн жылы 64 миң 993 адам болгон).
Жарым жыл ичинде республикада 15 миң 968 адам каза болду, бул 2025-жылдын көрсөткүчүнөн аз. Натыйжада калктын табигый өсүшү 50 миң 304 адамга жетти.
Калктын 1 миң адамына эсептегенде табигый өсүштүн эң жогорку деңгээли Баткен (18,2), Ош (16,8) жана Жалал-Абад (16,1) облустарында катталды. Эң төмөнкү көрсөткүч Бишкек шаарына (7,6) туура келди.
Калктын өсүү темпи боюнча Бишкек жана Ош шаарлары алдыда — алардын жашоочуларынын саны 1,1%га көбөйүп, тиешелүүлүгүнө жараша 1 миллион 373 миң жана 490,3 миң адамды түздү.
