Кыргызстандын жарандары Таиландда 30 күн визасыз жүрө алышат
Кыргызстандын жарандары эми Таиландга 30 күнгө чейин визасыз бара алышат. Бул тууралуу Тышкы иштер министрлигинен билдиришти.
Маалыматка ылайык, 15-сентябрдан тарта Кыргызстандын жарандары Таиландга визасыз кирип, өлкөдө 30 күнгө чейин жүрө алышат. Бул тартип жөнөкөй жарандык паспорт ээлерине тиешелүү.
Кыргызстан Таиландга визасыз кирүүгө уруксат берилген өлкөлөрдүн жана аймактардын жаңы тизмесине киргизилди.
Учурда кыргызстандыктар Таиландга келгенден кийин Visa on Arrival визасын ала алышат. Ал өлкөдө 15 күнгө чейин жүрүүгө уруксат берет. Ал эми 15-сентябрдан тарта келгенден кийин виза алуу зарылдыгы болбойт.
Ошондой эле Таиланддын жарандары Кыргызстанда 30 күнгө чейин визасыз жүрө алышат.
