“Коррупцияга каршы бирге!” сынагы жүрүп жатат
КРнын Башкы прокуратурасы коррупцияга каршы аракеттенүү боюнча Мамлекеттер аралык кеңештин ишмердүүлүгүнүн алкагында өткөрүлүп жаткан “Коррупцияга каршы бирге!” аттуу эл аралык жаштар арасында социалдык антикоррупциялык сынакка катышуу үчүн арыздарды кабыл алуу жүрүп жатканын маалымдады.
Билдирүүгө караганда, сынак коррупцияга каршы аракеттенүү боюнча Мамлекеттер аралык кеңештин алкагында өткөрүлөт. Ага 10 жаштан 25 жашка чейинки КРнын жарандары катыша алышат. Алар жеке же чыгармачыл жамаат менен катышуу укугуна ээ болушат.
Катышуучулар сынакка бир, эки же үч номинация боюнча иштерин тапшырса болот:
- сүрөт
- плакат
- видеотасма
Иштердин темасы — “Бирге коррупцияга каршыбыз!”. Конкурс ишин 2026-жылдын 1-октябрына чейин расмий сайтка: www.anticorruption.life жүктөө талап кылынат. Сынактын эрежелери жана талаптары менен бул жерден таанышууга болот.
Бул этапта алардын иштери Мамлекеттер аралык кеңешке мүчө болгон өлкөлөрдүн эмгектери менен бирге каралып, жыйынтыктоочу баалоодон өтөт.
