Apple компаниясы алгачкы бүктөлмө iPhone жана iPhone 18 Pro смартфондорун тааныштырды
Калифорниянын Купертино шаарындагы Стив Жобс театрында Apple компаниясынын жаңы өнүмдөрүнүн бет ачары болуп өттү. Иш-чараны компаниянын жаңы дайындалган башкы директору Джон Тернус биринчи жолу өткөрдү. Бул тууралуу Газеты.Ru басылмасынан кабарлашты.
Билдирүүгө караганда, бет ачардын жүрүшүндө Apple компаниясы өзүнүн алгачкы бүктөлмө смартфонун — iPhone Duo моделин тааныштырды. Аппарат ачылган учурда компаниянын тарыхындагы эң жука смартфон болот. Ички негизги дисплейинин диагоналы 7,6 дюйм, тышкы экраныныкы 5,4 дюйм түзөт. Жаңы смартфон 23-октябрда сатыкка чыгып, ак жана кочкул көк түстө сунушталат. Баасы 1999 доллардан башталат.
Презентацияда ошондой эле iPhone 18 Pro жана Pro Max моделдери көрсөтүлдү. Алар A20 Pro процессору, жаңыртылган камера жана жакшыртылган батарея менен жабдылат. Смартфондор кара, күмүш, көгүш жана кочкул алча түстөрүндө чыгарылат. iPhone 18 Pro баасы 1199 доллардан, iPhone 18 Pro Max 1299 доллардан башталат. Сатуу 18-сентябрда башталат.
Компания мындан тышкары AirPods 5 кулакчындарын тааныштырды. Анда ызы-чууну басаңдатуу функциясы 50% жакшыртылган. Ал эми Apple Watch Series сааты - 12 акылдуу көрсөткүчтөрү жана Siri AI системасын кеңейтилген колдоосу менен чыгарылат.
