Кыргызстан «Глобал Хакатом» эл аралык чемпионатында 3-орунду алды
Кыргызстандын «Ядролук көчмөн» («Ядерный кочевник») командасы «Глобал Хакатом» эл аралык студенттик чемпионатынын финалында үчүнчү орунду ээледи. Финал 14–15-сентябрда Екатеринбург шаарында Эл аралык жаштар фестивалы-2026нын алкагында өттү. Ага дүйнөнүн 15 өлкөсүнөн улуттук этаптардын 80ден ашуун жеңүүчүсү катышты.
Кыргызстандык топ автономдуу сүзүп жүрүүчү «атомдук» шаарды түзүү долбоору менен үчүнчү орунга татыды. Ал эми чемпионаттын жеңүүчүсү болуп - Россиянын «Акыл-эстин чегинен тышкары» командасы таанылса, экинчи орунду Түштүк Африка Республикасынын Зулуленд университетинин жамааты алды.
Чемпионаттын катышуучуларын жана жеңүүчүлөрүн РФнын Президентинин Администрациясынын жетекчисинин биринчи орун басары Сергей Кириенко куттуктап, бул долбоорлор чындыкка айланышын каалай тургандыгын билдирди.
“Кыялдын ишке ашканын көрүүдөн өткөн кубаныч жок. Силердин долбоорлоруңар дүйнөнү өзгөртүүгө жөндөмдүү жана алар технологиялык жетишкендиктер жана илимий ачылыштар үчүн гана эмес, адамдарга канчалык пайда алып келип, өлкөлөрдөгү жашоону канчалык өзгөртө алары менен маанилүү. Бүгүн биз сыймыктанган нерселердин баары бир кезде бирөөлөрдүн кыялы болгонун унутпаш керек”, – деди Сергей Кириенко.
