Быйыл авикаттамдар менен дүйнө жүзүндө 5 млрд адам учкан
2026-жылы аба каттам жүргүнчүлөрүнүн саны жаңы рекорддук деңгээлге жетип, 5,2 миллиарддан ашат. Эл аралык аба транспорту ассоциациясынын (IATA) жаңы баяндамасына ылайык, 2025-жылы дээрлик 5 миллиард адам авиакаттамдар менен учкан.
Божомолдорго караганда, келерки жылы тармак өсүшүн улантып, дүйнөлүк жүргүнчүлөр агымы 4,4%га көбөйөт. Натыйжада жүргүнчүлөрдүн жалпы саны 5,2 миллиарддан жогору болот.
Ошондой эле 2026-жылы учактардын учуп-конууларынын саны 3,6%га өсүп, жүргүнчүлөр айланмасы (пассажирооборот) 4,9%га көбөйөрү күтүлүүдө.
Адистердин айтымында, бул көрсөткүчтөр авиация тармагы пандемиядан толук калыбына келип гана тим болбостон, 2019-жылдагы кризиске чейинки эң жогорку деңгээлден да ашып, жаңы көрсөткүчтөрдү белгилеп жатканын ачык көрсөтөт.
Баяндамда белгиленгендей, 2024–2026-жылдар аралыгында жүргүнчүлөрдү ташуунун өсүү темпи дүйнөлүк ички дүң продуктунун (ИДП) өсүшүнөн болгону 1,5 эсе жогору болот. Бул акыркы 30 жыл ичинде байкалган тарыхый 2,3 эселик көрсөткүчтөн кыйла төмөн.
Мунун негизги себептери катары тармактагы түзүмдүк чектөөлөр көрсөтүлөт. Алардын ичинде жаңы учактарды жеткирүүдөгү кечигүүлөр, техникалык тейлөө боюнча узун кезектер жана кадрлардын жетишсиздиги бар. Бул факторлор авиакомпаниялардын өсүп жаткан суроо-талапты толук канааттандыруу үчүн ташуу мүмкүнчүлүктөрүн кеңейтүүсүнө тоскоол болууда.
