Бир жума ичинде 25 миңге жакын жол эрежесин бузуу аныкталды
Кыргызстандын аймагында бир жуманын ичинде 24 миң 985 жол эрежесин бузуу фактысы катталды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгы билдирди.
Маалыматка ылайык, 29-майдан 4-июнга чейинки аралыкта жүргүзүлгөн көзөмөл иш-чараларынын жүрүшүндө ар түрдүү мүнөздөгү жол эрежелерин бузуу фактылары аныкталган.
Алардын ичинен:
- тийиштүү документтери жок транспорт каражаттарын башкаруу – 2 539;
- мас абалында унаа башкаруу – 362;
- автоунаалардын терезелерин мыйзамсыз караңгылатуу – 193;
- жөө жүргүнчүлөр катышкан жол эрежесин бузуу фактылары – 1 238;
- транспорт каражаттарын эксплуатациялоо эрежелерин бузуу – 4 502;
- автоээнбаштык – 52;
- белгиленген ылдамдыкты ашыруу – 2 135;
- жалган мамлекеттик номер менен унаа башкаруу – 6;
- башка жол эрежелерин бузуу фактылары – 9 267.
Мындан тышкары, жол кыймылынын эрежелерин бузган 4 миң 691 автоунаа айып короо жайына токтотулган.
Жол кыймылынын коопсуздугун камсыздоо башкы башкармалыгы айдоочуларды жол эрежелерин так сактоого жана жол кыймылынын бардык катышуучуларынын коопсуздугуна жоопкерчилик менен мамиле кылууга чакырат.
