Каракол шаарындагы чоң көчөлөрдүн бири оңдолот
Каракол шаарындагы негизги көчөлөрүнүн бири болгон Алышбаев көчөсүндө капиталдык оңдоо иштери жүргүзүлөт. Бул тууралуу Каракол шаардык мэриясынын басма сөз кызматы маалымдаады.
Маалыматка ылайык, долбоордун алкагында Алышбаев көчөсү Карасаев көчөсүнөн баштап Чечерин көчөсүнө чейинки аралыгында узундугу 1 чакырым метр болгон жаңы эки тилкелүү асфальт жол курулат.
Мындан тышкары, көчөнүн эки тарабына жөө жүргүнчүлөр үчүн заманбап тротуарлар салынат. Ошондой эле сугат суу арыктары курулуп, көчө толугу менен түнкү жарыктандыруу системасы менен камсыздалат.
Бул долбоор ишке ашкандан кийин шаар тургундары үчүн коопсуз жана ыңгайлуу шарттар түзүлүп, унаалардын жана жөө жүргүнчүлөрдүн кыймылы кыйла жеңилдейт.
