Бириккен Араб Эмиратынан Ысык-Көлгө аба каттамдарын ачуу пландалууда
Бириккен Араб Эмираттарынын делегациясы менен болгон жолугушууда Кыргызстан менен БАЭнин ортосундагы аба каттамдарын өнүктүрүүнүн жаңы мүмкүнчүлүктөрүн талкууланды. Бул тууралуу "Кыргызстан аэропорттору" ишканасынын төрагасы Манасбек Самидинов билдирди.
Маалыматка ылайык, 2026-жылдын жайкы туристтик сезонуна карата Шарджа – Ысык-Көл багытында жаңы авиакаттам ачуу мүмкүнчүлүгү каралууда. Эгерде бул долбоор ишке ашса, Перс булуңундагы өлкөлөрдүн жарандары жана коноктору Борбордук Азиянын эң кооз жерлеринин бири болгон Ысык-Көлгө мурдагыдан да тез жана ыңгайлуу жете алышат. Учурда тараптар келечектеги учуу программасынын деталдарын, анын ичинде каттамдарды ишке киргизүү мөөнөттөрүн жана аларды аткаруунун жыштыгын талкуулоону улантылууда.
Мындан тышкары, 2026-2027-жылдары кышкы туристтик сезонуна карата Шарджа – Каракол багыты боюнча авиакаттам ачуу мүмкүнчүлүгү да талкууланды. Каракол бүгүнкү күндө кышкы эс алууну сүйүүчүлөр үчүн эң кызыктуу багыттардын бирине айланып баратат, андыктан түз аба байланышы бул шаарды чет өлкөлүк туристтер үчүн дагы жеткиликтүү кылат.
