Бишкек – Ош темир жолун куруу демилгеленди
Депутат Илимбек Кубанычбеков Бишкек – Ош темир жолун куруу керек деп эсептейт. Ал бул тууралуу парламенттин жыйынында билдирди.
Илимбек Кубанычбеков алавиабилеттин кымбаттыгынан жарандар унаа менен жүрүүгө аргасыз болуп жатканын, бирок Ош-Бишкек жолунда жол кырсыктары көп катталып жатканын белгиледи.
"Ошондуктан темир жолду куруу мүмкүнчүлүгүн кайра карап чыгууну сунуштайм. Бул жарандар үчүн эң коопсуз транспорт болот", - деп билдирди депутат. Ошондой эле Министрлер кабинетинен долбоордун техникалык-экономикалык негиздемесин иштеп чыгууну өтүндү.
