Бишкекте коомдук транспортто накталай эмес төлөмгө өтүү боюнча даярдык күчөтүлүүдө

Бишкекте коомдук транспортто накталай эмес төлөмгө өтүү боюнча даярдык күчөтүлүүдө

Бишкек шаарында коомдук транспортто накталай эмес төлөм системасын толук кандуу колдонууга өтүү боюнча даярдык иштери улантылууда. Жүргүнчүлөрдүн ыңгайлуулугу үчүн жол акысын төлөөнүн бир нече түрү жеткиликтүү: "Тулпар" транспорттук картасы, банктык карталар жана QR-код аркылуу төлөм жүргүзүү.

Муниципалитеттен билдиргендей, накталай эмес төлөм системасы жол кыймылынын коопсуздугун жогорулатууга, жүргүнчүлөрдүн коомдук транспортко түшүп-чыгуу убактысын кыскартууга, айдоочулардын жол кире кабыл алуу менен алаксышын алдын алууга жана транспорттук тейлөөнүн сапатын жакшыртууга шарт түзөт.

"Тулпар" транспорттук карталарын шаар боюнча жайгашкан сатуу түйүндөрүнөн сатып алууга, ошондой эле төлөм терминалдары жана мобилдик тиркемелер аркылуу толуктоого мүмкүнчүлүк бар.

Системаны ишке киргизүүгө даярдык көрүү алкагында шаар тургундары арасында маалыматтык-түшүндүрүү иштери күчөтүлүп, жол киренин төлөнүшүн көзөмөлдөө үчүн контролерлордун иши уюштурулат.

Бишкек шаарынын мэриясы борбор калаанын тургундарын жана конокторун накталай эмес төлөмдүн жеткиликтүү ыкмалары менен алдын ала таанышып чыгып, "Тулпар" транспорттук картасын колдонууга чакырат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Акыйкатчы Жаманбаева Москвада эл аралык жыйынга катышты

Токмокто темир жол куруу үчүн инженердик изилдөөлөр жүргүзүлдү

Оштун калктуу конуштарын суу менен камсыздоо боюнча мыйзам долбоору колдоо тапты

Бишкекте 13 жер тилкесинин ээлерине 40,7 млн сом компенсация берилди

Өзгөчө кырдаалдар учурунда медиа-штаб түзүү сунушталууда