Жалал-Абадда быйыл 139,5 чакырым жолду оңдоо каралган: канчасы бүттү?
Жалал-Абад облусунун 2026-жылдагы титулдук тизмесине жалпы 139,5 чакырым жол киргизилип, учурда анын 57%дан ашууну аткарылды. Бул тууралуу аймактык өкүлчүлүктөн билдиришти.
Маалыматка ылайык, капиталдык салымдар беренесинин алкагында дагы 648 чакырым жолдо курулуш жана оңдоо иштери жүргүзүлүүдө.
Өкүлчүлүктөн белгилешкендей, аталган иштердин негизги максаты — калктуу конуштар арасындагы транспорттук байланышты жакшыртуу жана айдоочулар менен жүргүнчүлөр үчүн коопсуз шарттарды түзүү.
Белгиленген долбоорлор толук ишке ашканда аймактагы жол тармагынын абалы кыйла жакшырып, социалдык-экономикалык өнүгүүгө да оң таасирин тийгизери айтылды.
