Кел-Сууга барчу жол сүрүлүп, тегизделүүдө
Нарын облусунун Ат-Башы районунда Кел-Суу көлүнө алып баруучу жолдо оңдоо иштери жүргүзүлүүдө. Бул тууралуу Транспорт жана коммуникациялар министрлиги билдирди.
Учурда туристтик сезонго байланыштуу Ат-Башы – Кында – Торугарт унаа жолунун үстүн сүрүп-тегиздөө иштери күчөтүлдү.
Кел-Суу көлүнө туристтер көп баргандыктан, сезондо бул багытта унаалардын агымы көбөйөт. Буга байланыштуу жолду талаптагыдай абалда кармоого өзгөчө көңүл бурулууда.
Маалыматка ылайык, Ат-Башы районундагы №20 Жол-эксплуатациялык мекемеси жалпы 452 чакырым жолду тейлейт. Анын 406 чакырымы шагыл, 46 чакырымы асфальт-бетон жол.
