Бишкекте Чүй проспектисинин бир бөлүгү эки күнгө жабылат
VI Дүйнөлүк көчмөндөр оюндарына жана Шанхай кызматташтык уюмунун саммитине даярдык көрүү жана өткөрүү учурунда коопсуздукту камсыз кылуу максатында Бишкектин борборундагы айрым жолдордо унаа кыймылына убактылуу чектөө киргизилет.
Милициянын кайгуул кызматы башкармалыгынан билдиришкендей, 27-августта саат 20:00дөн 29-августта саат 12:00гө чейин Чүй проспектисинин Манас проспектисинен Жусуп Абдрахманов көчөсүнө чейинки бөлүгү унаа кыймылы үчүн жабылат.
Чектөө VI Дүйнөлүк көчмөндөр оюндарына жана ШКУ саммитине байланыштуу коопсуздук чараларынын алкагында киргизилүүдө.
Айдоочуларга көрсөтүлгөн убакыт аралыгында жол кыймылындагы чектөөлөрдү эске алып, каттамдарын алдын ала пландап, альтернативдүү жолдорду пайдалануу сунушталат.
