“Кыргыз темир жолу” 95,6 млн сомго тепловоздор үчүн тетиктерди сатып алат
“Кыргыз темир жолу” мамлекеттик ишканасынын “Түштүк бөлүмү” филиалы тепловоздор үчүн запастык бөлүктөрдү сатып алууга 95,6 млн сомдук тендер жарыялады.
Сатып алуулар порталындагы маалыматка ылайык, жеңүүчү товарларды келишим түзүлгөндөн кийин 60 күндүн ичинде Манас шаары, Токтогул көчөсү 7 дарегине жеткириши керек.
Техникалык спецификацияда 61 позиция бар. Алардын арасында Д100, Д50 дизелдерине, ЧМЭ3, ТЭМ2, 2ТЭ10 локомотивдерине жана башка жабдууларга керектүү тетиктер каралган. Товарлар өндүрүүчүнүн талаптарына жооп берип, сапатын жана келип чыгышын тастыктаган документтери менен жеткирилиши керек.
Маалыматка караганда, арыздар 16-сентябрда саат 15:00гө чейин кабыл алынат. Өтүнмөнү камсыздоо - 2%, келишимди аткарууну камсыздоо - 5%. Аванс каралган эмес, төлөм товар толук кабыл алынгандан кийин жүргүзүлөт. Кепилдик мөөнөтү кеминде 12 ай. Өндүрүштүк кемчилик аныкталса, тетик жеткирүүчүнүн эсебинен алмаштырылат.
Мындан сырткары, катышуучулар 2024–2025-жылдары окшош товарларды жеткирүү боюнча тажрыйбасын, финансылык отчетун жана салык карызы жок экенин ырастоого тийиш.
