«Манас», «Ош» жана «Ысык-Көл» аэропортторуна эми жүргүнчүлөр гана кире алат – убактылуу чектөөлөр киргизилди
Аэропорттордун имаратына көрсөтүлгөн күнгө учууга билети бар жүргүнчүлөр гана кире алышат. Бул тууралуу «Манас» эл аралык аэропортунун маалымат кызматы билдирет.
Узатуучулар жана тосуп алуучулар үчүн «Манас», «Ош» жана «Ысык-Көл» эл аралык аэропортторунун аэробекеттерине кирүүгө убактылуу чектөөлөр киргизилди.
«Эпидемиологиялык кырдаалдын курчушуна байланыштуу жана COVID-19 коронавирусунун жайылышын алдын алуу максатында «Манас» эл аралык аэропорту» ААКсы 2021-жылдын 24 июнунан тартып «Манас», «Ош» жана «Исык-Көл» эл аралык аэропортторунун аэробекеттерине узатуучулар жана тосуп алуучулар үчүн кирүүгө убактылуу чектөө киргизет», – деп маалымдайт «МЭА» ААК.
Бул чектөө эпидемиологиялык кырдаал жакшырганга чейин күчүндө калат.
