БУУнун Тынчтык куруу фонду Кыргызстанга 10-15 млн доллар бөлөт

БУУнун тынчтык куруу фонду Кыргызстанга жакынкы беш жылда 10дон 15 млн долларга чейин каражат берет. Тийиштүү документке БУУнун Башкы катчысы Антонио Гутерриш кол койду. Бул тууралуу Башкы катчынын жардамчысы Мирослав Йенчу тышкы иштер министри Руслан Казакбаев менен жолугушууда билдиргенин КРнын Тышкы иштер министрлигинин маалымат кызматы маалымдайт.

Гутерриш ошондой эле БУУнун КРнын жарлыктарын жана жоболорун КРнын  жаңы Конституциясына ылайыкташтырууга көмөктөшүүгө даяр экендигин белгиледи.

Тышкы иштер министрлигинин маалыматына таянсак, жолугушуу 19-июнда Анталия Дипломатиялык форумдун алкагында өткөн. Сүйлөшүүнүн негизги темасы кыргыз-тажик чек арасындагы жаңжалды жөнгө салуу, тынчтыкты орнотуу жана БУУ менен өз ара кызматташуу болду.

Министр КРнын түштүгүндөгү кырдаал жөнүндө кеңири маалымат берип, республика бул маселени саясий жана дипломатиялык жолдор менен гана чечүүгө ниеттенип жаткандыгын баса белгиледи. Ошондой эле Казакбаев жаңжал учурунда кыргыз тараптын адамдык жана материалдык чыгымдары жөнүндө билдирди. Ал белгилегендей, кыргыз тарап бардык калыбына келтирүү иштерин өз эсебинен жүргүзөт. Түштүктө кырдаал негизинен туруктуу болгону менен курч бойдон калууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда

Нарында 7 кабаттуу 350 орундуу оорукана курулат