Коммерциялык банктар жана микрофинансылык компаниялар Баткен окуясында жабыркагандардын 13 млн сомдук насыяларын кечишти

Коммерциялык банктар жана микрофинансылык уюмдар Баткен окуясында жабыркагандарга жардам көрсөтүштү. Бул тууралуу Улуттук Банктын төрагасы Толкунбек Абдыгулов Economist.kg басылмасына берген маегинде билдирди.

«Мындай кырдаалда бардык банктар жардам бериш керектигин түшүнүштү. Андан кийин биз дароо эле коммерциялык банктар менен каза болгондордун, ошондой эле үйлөрү өрттөнүп, бизнеси жабыркагандардын насыяларын кечип салуусун макулдаштык. Бул эң көп жабыркаган үч айылдын жашоочуларына тиешелүү болду», – деп белгиледи Улуттук Банктын башчысы.

Алдын ала маалыматтарга караганда, коммерциялык банктар 9.5 млн сом суммасындагы 57 кредитти кечкен, ошондой эле 62 млн сомдук 37 насыяга кийинкиге жылдырып төлөө мүмкүнчүлүгү берилген. Банктардан тышкары, микрофинансылык компаниялар дагы 3.5 млн сом суммасындагы 131 насыяны кечишти.

«Мамлекеттик эки банк боюнча суроолор бар, анткени «Айыл Банк» жана «РСКнын» акционерлери өкмөт болуп саналат жана мындай чечимге акционерлердин уруксаты керек. Башкача айтканда, ал жердеги жалданма менеджерлер жогоруда айтылган чечимдерди акционерлер менен макулдашпай туруп кабыл ала алышпайт», – деп түшүндүрдү Абдыгулов.

 
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда

Нарында 7 кабаттуу 350 орундуу оорукана курулат