Сугат суунун тартыштыгы – Чүй облусунда суу лимитинен ашык кетирилген

Министрлер Кабинетинин Төрагасынын биринчи орун басары Айбек Джунушалиев Чүй облусундагы дыйкан чарбаларын сугат суусу менен камсыз кылуунун абалы менен таанышты. Ал Чоң Чүй (БЧК) каналынын адистери менен таанышып чыгып, Панфилов, Жайыл жана Москва аймактарынын жашоочулары менен жолугушту. Бул тууралуу өкмөттүн маалымат кызматы билдирди.

Иш сапары учурунда айрым өлчөөчү пункттарда суунун лимитинен ашык кетирилгендиги боюнча көптөгөн фактылар аныкталды, бул суу чарба башкармалыгынын кызматкерлери өз милдеттерин талаптагыдай аткарбагандыгынан кабар берет.

Жеринде өлчөөчү бекеттердеги суунун белгиленген лимитин калыбына келтирүү боюнча ыкчам чаралар көрүлүп, натыйжада, Чүй облусунун Панфилов районуна суунун керектүү көлөмүн жеткирүүгө мүмкүнчүлүк түзүлгөнүн өкмөттүн маалымат кызматы кабарлады.

Бул фактылар боюнча, учурдагы мыйзамдарга ылайык, Айыл чарба министрлигине Чүй мамлекеттик суу чарба башкармалыгынын башчысынын кызматынан бошотулганга чейинки жоопкерчилигин карап, Чүй облусунун бардык райондук суу чарба башчыларын ротациялоо тапшырылды.

Маалымат кызматтан кошумчалагандай, сугат суунун абалы министрлер кабинетинин туруктуу көзөмөлүндө.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда

Нарында 7 кабаттуу 350 орундуу оорукана курулат