Азия Өнүктүрүү Банкы КРга 2.5 млн жеке коргонуу каражаттарын берди

Азия Өнүктүрүү Банкы (АӨБ) КРнын медицина кызматкерлери үчүн 2.5 миллиондон ашык жеке коргонуу шаймандарын берди. Бул тууралуу аталган уюмдун басма сөз кызматы билдирди.

Материалдарды сатып алуу жана жеткирүү үчүн каражаттар 2020-жылдын июнь айында бекитилген «АӨБдүн COVID-19 пандемиясы боюнча күтүүсүз долбоор» грантынын компонентинен бөлүнгөн.

Төмөндөгүдөй ЖККры берилди:

  • Маскалар (FFP2) – 300 миң даана
  • Бир жолу колдонулуучу коргоочу комбинезон – 300 миң даана
  • Бир жолу колдонулуучу нитрил кол каптары – 1.2 млн даана
  • Жеке коргонуу шаймандарынын топтому (медициналык халат, кепка, IIR тибиндеги хирургиялык бир жолку маскалар, бахилалар) – 120 миң даана
  • Бийик бахилалар – 600 миң даана
  • Коргоочу көз айнек – 5 миң даана

Бул ЖКК КРнын Саламаттыкты сактоо министрлигинин муктаждыктарына ылайык сатылып алынып, Чүй, Ысык-Көл, Нарын, Талас, Ош, Жалал-Абад жана Баткен облустарындагы 81 оорукананын COVID-19 изоляторлору арасында бөлүштүрүлдү.

«Медициналык шаймандардын ийгиликтүү жеткирилгендиги жана өлкөнүн ооруканаларына таратылгандыгы бизди кубандырат. Бул материалдар ушул оор мезгилде дарыгерлерди коргоо үчүн өтө маанилүү. АӨБ КРга пандемиядан арылууга жана туруктуу калыбына келүүгө жардам берет», – деди Канокпан Лао-Арая, АӨБдүн КРгы  туруктуу өкүлчүлүгүнүн директору.

Медициналык жабдууларды жеткирүүдөн тышкары, АӨБдүн 20 млн долларлык каржылоо пакети COVID-19 илдетин дарылоочу ооруканалардын шарттарын жакшыртууга жардам берет. Бул ооруканаларга кошумча реанимациялык керебеттер, тез жардам унаалары жана керектүү медициналык шаймандар берилет.

Былтыр май айында АӨБ Кыргыз өкмөтүнө пандемиянын жайылышына жардам берүү, коомдун аярлуу тармактарын социалдык жактан коргоо жана жакырларга бюджеттик стимул берүү максатында 50 млн долларлык насыя жана гранттык пакетин бекиткен.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда

Нарында 7 кабаттуу 350 орундуу оорукана курулат

Курулуш компаниясына 200 миң сом айып салынды