Кыргызстандын дүйнөлүк киберкоопсуздук индексиндеги позициясы көтөрүлдү

Кыргызстан 2020-жылы дүйнөлүк киберкоопсуздук индексинде 111-орундан 92-позицияга – 19 пунктка көтөрүлдү. Бул тууралуу Санариптик өнүгүү министрлигинин маалымат кызматы билдирди.

Дүйнөлүк кибер коопсуздук индекси юридикалык, техникалык, уюштуруучулук сыяктуу көрсөткүчтөрдү эске алат. КМШ өлкөлөрүнүн ичинен 2020-жылдын аягына карата КР киберкоопсуздук жаатында өсүштү көрсөтүп, 7-орунда турганын министрликтен билдиришти.

Киберкоопсуздуктун жол картасын ишке ашыруунун алкагында, эки жылдын ичинде мамлекеттик программалар, маалыматтык-коммуникациялык технологияларды жана киберкоопсуздукту өнүктүрүү стратегиялары жана концепциялары иштелип чыгып, бекитилген. Ошентип, укуктук демилгелердин алкагында маалыматтык коопсуздук концепциясы жана кибер коопсуздук стратегиясы кабыл алынган. Министрликтин маалыматына таянсак, учурда «КРнын маанилүү маалыматтык инфраструктурасын коргоо жөнүндө» мыйзам долбоору иштелип жатат. 

Эске салсак, 2019-2021-жылдар аралыгында улуттук кибердик машыгуулар өткөрүлгөн. Өкмөттүн алдындагы маалымат жана киберкоопсуздук боюнча ведомстволор аралык комиссия түзүлгөн. Азыркы учурда, KOICA менен биргеликте, Коопсуздук борборун түзүү боюнча долбоорду ишке ашыруу пландаштырылууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда

Нарында 7 кабаттуу 350 орундуу оорукана курулат

Курулуш компаниясына 200 миң сом айып салынды