Эски ККМди колдонгондугу үчүн алты май куюучу бекетке айып пул салынды

Назира Абдиева

05 июля 2021 19:26

Мамлекеттик салык кызматы контролдук иш-чаралардын жыйынтыгы боюнча 6 май куюучу жайга мунай заттарын сатуу тартибин бузгандыгы үчүн жалпы суммасы 210 миң сомго айып салды. Бул тууралуу МСКнын маалымат кызматы кабарлады.

Ош шаары жана Ош облусунда жүргүзүлгөн текшерүүнүн жүрүшүндө ыйгарым укуктуу салык органынын серверине реалдуу убакыт режиминде май куюучу жайларда сатылуучу отун жөнүндө фискалдык маалыматтарды берүү бузулган фактылар аныкталды.

Алсак, «МПА» («НК Сервис» ЖЧК), «Ош ойл» («Транс Энерго компани» ЖЧК), «Кыргызстан» («Бек-Строй плюс» ЖЧК), «Россия нефть» («Россия нефть» ЖЧК), «Кыргыз Мунай» («БМ Энерджи» ЖЧК), «Памир-Алай» («Север-Югойл” ЖЧК) май куюучу жайлары сатылуучу товардын кодун (ЕАЭБ ТЭИ ТН коду) онлайн-режиминде салык кызматына беришпегендиги аныкталган.

Эскерте кетсек, май куюучу жайлар 2020-жылдын 1-июлунан баштап «СМАРТ Салым» салык жол-жоболорун фискалдаштыруу долбоорунун алкагында башкаруунун автоматташтырылган системасын жана сатылган күйүүчү май тууралуу маалыматты (аталышы, ЕАЭБ ТЭИ ТН коду, саны, 1 литр үчүн баасы, жалпы баасы) контролдук-кассалык чекте басып чыгаруу функциясы бар ККМди колдонууга тийиш, ошондой эле, бул маалыматтарды салык органына онлайн-режимде берүүлөрү зарыл.

Май куюучу жайларда жеке ишкерге мунайзаттарды сатуу тартибин бузгандыгы үчүн 12.5 миң сом, юридикалык жакка – 35 миң сом өлчөмүндө айып салынат.

Салык кызматы күйүүчү май рыногунда эмгектенген ишкер субъектилерди ККМдин техникалык мүмкүнчүлүктөрүн талап кылынган ченемдерге ылайык иштөөгө чакырат.

Мындан тышкары окуңуз

Бишкектеги жаңы Ош базарынын курулушу качан бүтөрү белгилүү болду

Бүгүн Президент Садыр Жапаров Бишкек шаарындагы жаңы Ош базарынын курулушунун жүрүшү менен таанышты. Бул тууралуу Президенттин Администрациясынын маалымат кызматы билдирди. Маалыматка ылайык, жаңы соода-базар комплекси борбор калаадагы ири инфраструктуралык долбоорлордун бири болуп саналат. Объекттин жалпы аянты 155 миң чарчы метрди түзүп, эки кабаттан жана бир жер алдындагы деңгээлден турат. Долбоор

Садыр Жапаров Бишкектеги жаңы автовокзалдын курулушу менен таанышты

Президент Садыр Жапаров бүгүн Бишкек шаарында курулуп жаткан жаңы заманбап автовокзал комплексинин курулушунун жүрүшү менен таанышты. Бул тууралуу Президентт Мамлекет башчысына 9 блоктон турган комплекстин долбоору сунушталды. Анда айдоочулар жана кызматкерлер үчүн мейманкана, кеңири күтүү залы, перрон, административдик имарат, коммерциялык жайлар, ошондой эле шаар аралык жана эл аралык автобустар үчүн

Баткен облусундагы сел 20,8 млн сомдук зыян келтирди

Президенттин Баткен облусундагы ыйгарым укуктуу өкүлү Мамыржан Рахимовдун жетекчилигинде Баткен облусунун Жарандык коргонуу кызматтарынын отуруму өттү. Өкүлчүлүктөн билдиришкендей, жыйында 30-апрелден 5-майга чейин катуу жааган жаандын кесепетинен Лейлек, Баткен, Кадамжай райондорунда жана Кызыл-Кыя шаарында катталган сел кырсыктарынын кесепеттерин жоюу боюнча жүргүзүлгөн иштер каралды. Ошондой эле күтүлүп жаткан сел коркунучтарынын алдын алуу,

Адылбек Касымалиев банк кызматкерлерин кесиптик майрамы менен куттуктады

Министрлер Кабинетинин төрагасы Адылбек Касымалиев банк секторунун кызматкерлерин кесиптик майрамы менен куттуктады. Куттуктоосунда ал бул күн улуттук валюта — кыргыз сомунун жүгүртүүгө киргизилиши менен тыгыз байланыштуу экенин белгилеп, анын өлкөнүн эгемендүү финансы системасын калыптандыруудагы маанисине токтолду. Адылбек Касымалиев акыркы жылдары өлкө экономикасы туруктуу өнүгүү жолуна түшүп, ички дүң продуктунун көлөмү эки