Түркиялык 16 компаниянын өкүлдөрү Бишкекке келишти

Кыргыз-түрк бизнес-форумунун алкагында Түркия Республикасынын Хатай шаарынын мэри Лүтфү Саваш баш болгон жеке ишкерлердин делегациясы Бишкекке келишип, эки өлкөнүн кызматташуу мүмкүнчүлүктөрүн талкуулашты. Бул тууралуу Соода-өнөр жай палатасынын маалымат кызматы кабарлады.

Делегациянын курамында айыл-чарба, курулуш, туризм, тамак-аш өнөр-жайы сыяктуу 16 компаниянын өкүлдөрү келген. Аталган иш-чара кечээ, 4-июлда СӨПда Бишкекте өттү.

Иш-чаранын ачылыш аземинде СӨПнын Президенти Марат Шаршекеев катышуучуларды тосуп алып жатып, бул форум эки мамлекеттин бизнес өкүлдөрү ортосунда кызматташууну бекемдөөдө маанилүү экенин белгилеп өттү. Андан соң жүргүзгөн ишмердүүлүгү жана кызматташуунун мүмкүнчүлүктөрү тууралуу Искендерун шаарынын Соода-өнөр жай палатасынын Башкармалыгынын төрагасы Левент Хаккы Йылмаз айтып кетти.

Кыргыз тараптан конокторго Бишкек шаарынын Эркин экономикалык аймагы боюнча презентация тартууланды. Форумдун соңунда катышуучулар түздөн-түз кызматташууну талкуулоого мүмкүнчүлүк алышты.

Жалпысынан иш-чарага кыргыз тараптан 30дан ашык ишканалардын өкүлдөрү катышты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда

Нарында 7 кабаттуу 350 орундуу оорукана курулат

Курулуш компаниясына 200 миң сом айып салынды