Кыргызстан курулуш документтерин алуу жол-жобосун жөнөкөйлөтөт
Кыргызстан кыймылсыз мүлк объекттерин долбоорлоо жана куруу боюнча документтерди алуу жол-жобосун жөнөкөйлөтөт. Тиешелүү долбоор коомдук талкууга коюлуп, өкмөттүн сайтында жарыяланды.
Транспорт министрлигинин маалыматына ылайык, долбоордун максаты болуп – кыймылсыз мүлк объекттерин долбоорлоого жана курууга документтерди алуу жол-жобосун жөнөкөйлөтүү аркылуу ашыкча административдик тоскоолдуктарды четтетүү болуп саналат жана өз кезегинде бул КРнын аймагында курулушту ишке ашырууда ишкердик ишинин шарттарына жана инвестициялык салымдарга оң таасирин берет.
Документте төмөнкүлөр каралган:
- архитектуралык-пландоо шарттарын жана инженердик-техникалык шарттарды бириктирүү менен Архитектуралык-шаар куруу корутундусу аталыштагы бирдиктүү документте шаар куруу корутундусун алуу
- экспертизадан өтүү зарылчылыгы жок, жөнөкөйлөтүлгөн тартипте уруксат документтерди алуу зарыл болуучу объекттердин ар кандай түрүнүн санын көбөйтүү, ушуну менен жогоруда аталган объекттердин долбоорлоо ченемдерин сактоо жоопкерчилиги долбоордун башкы архитекторуна так жүктөлүшү керек
- жобонун долбоорлоо документтерин макулдашуу жана экспертиза жол-жоболорун регламенттөө бөлүгүндө толуктоолорду киргизүү жолу менен долбоорлоо жана куруу жол-жоболорун айкалыштыруу режимин киргизүү
- шаар куруу жана архитектура боюнча аймактык органдарынын жана Мамлекеттик экспертиза органынын жана анын аймактык бөлүнүштөрүнүн «Бирдиктүү терезе» борборлорунун ишинин регламентин бекитүү.
