Кыргызстанда цементтин баасы бир айда 13%га көтөрүлдү
Үстүбүздөгү жылдын июнь айында республика боюнча 50 кг цементтин чекене баасы орточо эсеп менен 355.1 сомду түзгөн жана бул май айына салыштырмалуу дээрлик 13%га өскөн. Бул тууралуу Улутстаткомдун маалымат кызматы билдирди.
Ал эми кирпичтин баасы, тийиштүүлүгүнө жараша, салыштырмалуу 1000 даана үчүн 7 840.8 сомду түзгөн жана 5%га өскөн.
Цементке болгон максималдуу чекене баалар Кара-Балта шаарында (50 кг үчүн 400 сом), Чаек айылында (50 кг үчүн 399.9 сом), жана Нарын шаарында (50 кг үчүн 394.9 сом) түзүлдү, ал эми аларга карата минималдуу баалар Жалал-Абад жана Өзгөн (50 кг үчүн 300 сом), Ноокат (50 кг үчүн 320 сом) шаарларында катталды.
Кирпичке карата чекене баалар Токмок (1000 даана үчүн 13 228.8 сом), Исфана (1000 даана үчүн 12 000 сом), Ноокат (1000 даана үчүн 10 247 сом) шаарларында орточо республикалык көрсөткүчтөн жогору өстү, ал эми ага карата минималдуу баалар Кара-Суу (1000 даана үчүн 2 978.1 сом), Кербен (1000 даана үчүн 3 741.7 сом) жана Өзгөн (1000 даана үчүн 5 899.2 сом) шаарларында байкалды.
Цементке болгон баанын өткөн айга салыштырмалуу Кара-Балта шаарында 21.2%га, Бишкек шаарында 18.2%га, жана Ош шаарында 14.5%га пайызга олуттуу өсүшү катталды, ал эми кирпичке болгон баалар Исфана шаарында 41.2%га, Кара-Балта шаарында 40.0%га жана Кербен шаарында 21.9%га өскөнү катталды.
