Экономика министрлиги социалдык жана экономикалык маселелерди БАЭнин жардамы менен чечүүнү көздөөдө

Назира Абдиева

09 июля 2021 17:44

7-июлда КРнын Экономика жана финансы министринин биринчи орун басары Данияр Иманалиевдин БАЭнин Өкмөт иштери боюнча министрлигинин жетекчилик жана өкмөттүк потенциал маселелери боюнча башкы директору Ясир Аль-Накби менен виртуалдык жолугушуусу болуп өттү. Бул тууралуу Экономика министрлигинин маалымат кызматы кабарлады.

Жолугушуунун катышуучулары Бириккен Араб Эмираттарынын Өкмөтүнүн Акселератору тарабынан иштелип чыккан методологияны колдонуу менен конкреттүү социалдык-экономикалык проблемаларды биргеликте чечүүнү макулдашышты. Доктор Ясир Аль-Накби Акселератор топторунун мамлекеттик, жеке сектор жана башка кызыкдар тараптар менен биргеликте жасай турган иштери тууралуу айтып берди жана проблемаларды чечүү мөөнөтү 100 күндү түзөт деп белгиледи.

Тараптар ошондой эле кызматташуу боюнча иш чаралар планын, КРнын Экономика жана финансы министрлиги менен БАЭ Өкмөтүнүн иштери боюнча министрлигинин ортосундагы кызматташтык жөнүндө Меморандумун иштеп чыгуу үчүн биргелешкен эксперттик жумушчу топту активдештирүү зарылдыгын белгилешти.

Аталган документтерге Бириккен Араб Эмираттарынын Өкмөтүнүн иштери боюнча министри Мохаммад бин Абдулла Аль Гаргавинин КРга боло турган иш сапарынын алкагында кол коюу пландаштырылууда.

Мындан тышкары окуңуз

Жалдагы №80 мектепке заманбап спорт комплекси курулуп жатат

Бишкек шаарынын мэриясынын Капиталдык курулуш башкармалыгы Жал кичи районундагы 29/8 дарегинде жайгашкан №80 орто мектептин аймагында заманбап спорт комплексинин курулушун улантууда. Мэриянын маалыматына ылайык, долбоордун алкагында дене тарбия жана спорт менен машыгууга ыңгайлуу шарттарды түзгөн заманбап спорт комплекси курулат. Объекттин аймагында спорт залы, футбол аянтчасы, чуркоо үчүн жол, воркаут

Садыр Жапаров менен Пакистандын президенти сүйлөшүүлөрдү өткөрдү

Президент Садыр Жапаров 7-июлда, Пакистан Ислам Республикасынын Президенти Асиф Али Зардари менен сүйлөшүүлөрдү өткөрдү. Бул тууралуу президенттин расмий баракчасына жарыяланды. Маалыматка ылайык, жолугушуунун жүрүшүндө лидерлер эки жактуу жана көп тараптуу кызматташтыктын кеңири багыттары боюнча кенен пикир алышты. Садыр Жапаров жогорку даражалуу конок менен саламдашып, өткөн жылдын декабрь айында Исламабад

Чоң-Кемин дарыясынын жээгин суу жеп, бекемдөө иштери жүргүзүлүүдө

6-июлда Кемин районунун Чоң-Кемин айыл өкмөтүнө караштуу Шабдан айылынан агып өткөн Чоң-Кемин дарыясынын суусунун агымынын күчөшүнөн улам оң жээкти суу жеп, жээк эрозиясы пайда болгон. Натыйжада №32 жол тейлөө кызматынын карамагындагы Кемин – Шабдан унаа жолунун 41-чакырымында жайгашкан көпүрөгө коркунуч жаралган. ӨКМдин маалыматына ылайык, учурда кырдаал толугу

Бишкек Жылуулук электр борбору күз-кыш мезгилине даярдык көрүүдө

Бишкек шаарындагы ЖЭБде 2026–2027-жылдардын күз-кыш мезгилинен ийгиликтүү өтүүгө даярдык көрүү максатында оңдоо иштери улантылууда. Бул тууралуу Бишкек шаардык мэриясынан билдиришти. Маалыматка ылайык, бардык иштер бекитилген графикке ылайык жүргүзүлүп, алдыдагы жылытуу мезгилинде негизги жана көмөкчү жабдуулардын ишенимдүү жана үзгүлтүксүз иштөөсүн камсыз кылууга багытталган. Оңдоо иштеринин алкагында казан агрегаттарына,