«Унаа» мамлекеттик мекемеси автоунааларды каттоо күбөлүгүнүн бланктарына 528 млн сом сарптайт

Назира Абдиева

22 июля 2021 22:49

«Унаа» мамлекеттик мекемеси транспорт каражаттарын каттоо күбөлүктөрүнүн бланктарына, эл аралык айдоочулук күбөлүктөргө жана тракторист-айдоочунун күбөлүктөрүнө 528 млн сом сарптайт. Тиешелүү жарыя мамлекеттик сатып алуулар порталында жарыяланды.

Сайтта берилген маалыматка ылайык, 527 млн сом автоунаа каттоосунун күбөлүктөрүнүн бланктарын сатып алууга, 420 миң сому айдоочулук күбөлүктөрдүн бланктарына бөлүнгөн. Тракторист-айдоочунун күбөлүгүнө бланктарды сатып алууга дагы 300 миң сом каралган.

Ошол эле учурда, подрядчикке коюлган квалификациялык талаптардын тизмеси эки гана пункт менен чектелет:

Укуктук статусун жана катталган жерин аныктаган документ – сиз каттоодон өткөндүгүңүз жөнүндө күбөлүктүн түп нускасынын сканерден өткөрүлгөн көчүрмөсүн беришиңиз керек

Негизги иш-аракетти аныктоочу документ уставдын түп нускасынын сканерден өткөрүлгөн көчүрмөсүн бериш керек

Белгилей кетсек, мыйзам мамлекеттик маанидеги документтерди жана атайын мамлекеттик бланктарды даярдоого жана (же) персонификациялоого байланыштуу мамлекеттик сатып алууларды жөнгө салбайт. Мындай мамлекеттик сатып алууларды уюштуруу тартиби өкмөт тарабынан аныкталат.

Атайын мамлекеттик бланктар КРнын жарандарынын улуттук паспортторуна жана КРнын айдоочулук күбөлүктөрүнө бланктарды кошпогондо, мамлекеттик үлүшү 51% дан кем эмес мамлекеттик ишкана же башка юридикалык жак тарабынан даярдалат.

Мындан тышкары окуңуз

Баткен облусундагы сел 20,8 млн сомдук зыян келтирди

Президенттин Баткен облусундагы ыйгарым укуктуу өкүлү Мамыржан Рахимовдун жетекчилигинде Баткен облусунун Жарандык коргонуу кызматтарынын отуруму өттү. Өкүлчүлүктөн билдиришкендей, жыйында 30-апрелден 5-майга чейин катуу жааган жаандын кесепетинен Лейлек, Баткен, Кадамжай райондорунда жана Кызыл-Кыя шаарында катталган сел кырсыктарынын кесепеттерин жоюу боюнча жүргүзүлгөн иштер каралды. Ошондой эле күтүлүп жаткан сел коркунучтарынын алдын алуу,

Адылбек Касымалиев банк кызматкерлерин кесиптик майрамы менен куттуктады

Министрлер Кабинетинин төрагасы Адылбек Касымалиев банк секторунун кызматкерлерин кесиптик майрамы менен куттуктады. Куттуктоосунда ал бул күн улуттук валюта — кыргыз сомунун жүгүртүүгө киргизилиши менен тыгыз байланыштуу экенин белгилеп, анын өлкөнүн эгемендүү финансы системасын калыптандыруудагы маанисине токтолду. Адылбек Касымалиев акыркы жылдары өлкө экономикасы туруктуу өнүгүү жолуна түшүп, ички дүң продуктунун көлөмү эки

Чүйдө жана Бишкекте жол курулуштарына текшерүү жүргүзүлдү

Транспорт жана коммуникациялар министри Талантбек Солтобаев Чүй облусуна болгон иш сапарынын алкагында Бишкек шаарындагы жана Чүй облусундагы бир катар жол курулуш объектилерин кыдырды. Бул тууралуу ведомстводон билдиришти. Министр Бишкектеги Профсоюз көчөсүндөгү, Түндүк айланма жолундагы жана Чүй облусунда жүрүп жаткан жол куруу иштеринин жүрүшү менен таанышып, тиешелүү кызматтарга тапшырмалар берди. Иш

Бишкекте өткөн "Өлбөс полкко" 30 миңден ашуун адам катышты

Бүгүн Бишкек шаарында Улуу Ата Мекендик согушта курман болгон баатырларды эскерүүгө арналган "Өлбөс полк" аттуу аскердик-патриоттук акция өттү. Бул тууралуу муниципалитеттен билдиришти. Жүрүшкө 30 000ден ашык адам катышты. Акциянын катышуучулары согушта курман болгон же тылда эмгектенген туугандарынын, ардагерлердин сүрөттөрүн көтөрүп, Д. Асанов атындагы парктан Жеңиш аянтындагы "Түбөлүк