Акыркы айда Кыргызстанда күйүүчү-майлоочу майдын баасы 7%га кымбаттады
Кыргызстанда акыркы бир айда күйүүчү-майлоочу майлардын баасы орто эсеп менен 6.9%га кымбаттады. Бул тууралуу Мамлекеттик монополияга каршы агенттиктин басма сөз кызматы билдирди.
Акыркы айда А-80 бензини 7.5%га, А-92 бензини 7.6%га, дизелдик отун 5.8%га кымбаттаган.
| Аталышы | 23 июнь | 21 июль | + сом менен | + % |
|---|---|---|---|---|
| Бензин А-80 | 47.8 сом | 51.4 сом | 3.6 сом | 7.5% |
| Бензин А-92 | 50.1 сом | 54 сом | 3.8 сом | 7.6% |
| Дизель отуну | 45.5 сом | 48.2 сом | 2.7 сом | 5.8% |
Монополияга каршы агенттиктин маалыматына караганда, Кыргызстанда күйүүчү-майлоочу майдын чекене баасынын көтөрүлүшү Россиядагы мунайды кайра иштетүүчү заводдордун (аффинаждык заводдорунун) дүңүнөн сатуу бааларынын 2021-жылдын башынан бери жогорулашы менен байланыштуу. Июль айындагы келишимдерге ылайык, (июнь айына салыштырмалуу) Россиянын мунайды кайра иштетүүчү заводдорунун дүң сатуу баасы тоннасына 65 долларга чейин көтөрүлдү.
Мотор күйүүчү майынын чекене баасына РФдагы баа топтомдорунун өзгөчөлүктөрү таасир этет: чийки заттын баасы жана аны иштетүүгө кеткен чыгымдар, салыктар, киреше чеги ж.б. Мотор күйүүчү майынын чекене баасынын 50%дан ашыгын салыктар түзөт (анын ичинде чийки мунай зат ташып келүү жана кайра иштетүү учурунда – 30%, андан кийин чийки заттын баасы кыйла жогорулайт) деп кошумчалады мамлекеттик агенттик.
Жалпысынан, 2021-жылдын башынан бери бензиндин жана дизель майынын чекене баасы 47% га жана 31%га чейин жогорулады.
