Кыргызстандык ишкерлер үчүн Иранга учууга, жүк ташууга баалар арзандады

Назира Абдиева

14 апр. 2022 22:43

Кыргызстандык жеке ишкерлер Иранга бир топ арзандатуулар менен учуп, жүктөрүн ташый алат. Бул тууралуу 12-апрелде КРнын Соода-өнөр жай палатасынын ага вице-президенти Роман Касымов менен Varesh Airlines ирандык авиакомпаниянын коммерциялык директору Мохаммад Ходакарами менен жолугушууда айтылды.

Макулдашууга ылайык, Палатынын мүчөлөрү үчүн Бишкектен Мешхед шаарына жүк ташуулар дээрлик 2 эсе арзандап, килограммына 2 доллардын ордуна 1.3 долларды түзөт.

Мындан тышкары, КРнын СӨПүнөн келип жаткан делегация мүчөлөрүнө авиабилеттин баасы ар бир жүргүнчүгө 70 долларга чейин төмөндөтүлүп, бир тарапка 250 долларга, эки тарапка 410 долларга теңелет.

Учуулардын мезгилдүүлүгүн айта турган болсок, ирандык авиакомпания Мешхед – Бишкек аба каттамын жума сайын аткаруу ниетинде. Буга чейин кыргызстандыктар аталган багыт боюнча айына бир ирет гана уча алышчу. Учуу убакыты 1.5 саат.

Мешхед шаары чоңдугу жана калктын саны боюнча Иранда экинчи орунда турат. Эске салсак, былтыр КРнын Соода-өнөр жай палатасы Иран менен эки тараптуу соода-экономикалык кызматташууну кеңейтүү үчүн биргелешкен бизнес-комитет түзүү жөнүндө макулдашууну бекиткен.

Палатадан билдиришкендей, бүгүнкү күндө КРнын Соода-өнөр жай палатасында 1 миң 200дөн ашуун компаниялар жана жеке ишкерлер мүчөлүктө турат. Башка артыкчылыктардан тышкары, аларга визаларды алууда колдоо, бизнес-форум, жолугушуулар, чет өлкөдө стажировкалар жөнүндө ыкчам маалымат, ошондой эле ар кандай актуалдуу багыттар боюнча бизнес-окутууларда арзандатуулар берилет.

Мындан тышкары окуңуз

Май айындагы эс алуу күндөрү “Унаа” кызматы үзгүлтүксүз иштейт

1-майдан 10-майга чейин “Унаа” мамлекетик кызматынын бөлүмдөрү штаттык режимде иш алып барат. Бул тууралуу аталган кызматтын басма сөз кызматы ырастады. Май айындагы майрам күндөрү кайсы филиалдар иштейт: - Бишкек шаардык бөлүмү (Аю Гранд); - “Биримдик 24”; - Ош шаардык бөлүмү; - Ош аймактык бөлүмү; - Манас шаардык бөлүмү; - Жалал-Абад

Улуу Ата мекендик согуштун ардагерлерине 200 миң сомдук жардам көрсөтүлөт

Улуу Жеңиштин 81 жылдыгына карата Улуу Ата Мекендик согуштун ардагерлерине 200 миң сомдук бир жолку материалдык жардам көрсөтүлөт. Президент Садыр Жапаров кол койгон тескемеге ылайык, бул үчүн президенттин фондунан 4 миллион 848 миң сом бөлүнөт. Эмгек, социалдык камсыздоо жана миграция министрлигинин маалыматына таянсак, бүгүнкү күндө Кыргызстанда Улуу Ата Мекендик согуштун

Бишкекте кыргыз-кытай кызматташтыгынын жаңы багыттары каралды

Министрлер Кабинетинин Төрагасы Адылбек Касымалиев Кытай Эл Республикасынын Коргоо министри, Мамлекеттик кеңешинин мүчөсү адмирал Дун Цзюнь менен жолугушту. Бул тууралуу Өкмөттүн Басма сөз кызматынан билдиришти. Жолугушуунун жүрүшүндө тараптар Кыргызстан менен Кытайдын ортосундагы кызматташтыктын учурдагы абалын жана келечегин талкуулашты. Белгиленгендей, Кыргызстандын Президенти Садыр Жапаров менен Кытайдын Төрагасы Си Цзиньпиндин буга чейинки

2026-жылы 4 млрд сомго 1427 техника лизинг аркылуу берилди

Республиканын айыл чарба товар өндүрүүчүлөрүнө мамлекеттик колдоо көрсөтүлүп келет. Бул тууралуу айыл арба мнистрлигинин басма сөз кызматы билдирди. Маалыматка караганда, өндүрүштүн негизги каражаттарын техникалык жабдуу, өлкөнүн машина-трактор паркын кайра калыбына келтирүү жана модернизациялоо, техникалык кызмат көрсөтүүчү кызматтардын инфраструктурасын кеңейтүү, ошондой эле айыл чарба техникасын лизинг жолу менен өнүктүрүү үчүн 2011-жылдан