Өзбек-Кыргыз өнүктүрүү фондунун капиталын 200 млн долларга чейин көтөрүү пландалууда

Назира Абдиева

14 апр. 2022 23:23

Өзбек-Кыргыз өнүктүрүү фондунун уставдык капиталы 50 млн долларды түзөт. Келечекте анын капиталы 200 млн долларга чейин жогорулатылат. Бул тууралуу Министрлер кабинетинин маалымат кызматы билдирди.

Эскерте кетсек, президент Садыр Жапаров өткөн жылы августта «2021-жылдын 11-мартында Ташкент шаарында кол коюлган КРнын Өкмөтү менен Өзбекстан Республикасынын Өкмөтүнүн ортосундагы Өзбек-Кыргыз өнүктүрүү фондун түзүү жөнүндө макулдашууну ратификациялоо тууралуу» мыйзамга кол койгон.

Ал эми Өзбек-Кыргыз өнүктүрүү фондун расмий ачуу салтанаты бүгүн, 14-апрелде болду. Ага Министрлер кабинетинин төрагасы Акылбек Жапаров жана Өзбекстан Республикасынын Премьер-министринин орун басары – инвестиция жана тышкы соода министри Сардор Умурзаков катышты.

Жапаров белгилегендей, Өзбекстан КРнын маанилүү соода-экономикалык өнөктөшүнүн бири болуп саналат.

«КР товар жүгүртүү көлөмүн жогорулатуу боюнча чечкиндүү аракеттерди көрүүгө даяр. Бүгүнкү күндө кыргыз-өзбек чек арасына жакын аймакта логистикалык борборлорду куруу боюнча долбоорлор активдүү фазада ишке ашырылууда.

Кызыл-Кыя шаарындагы Фергана жана Баткен облустарын байланыштырган соода-логистикалык борборду курууга жана ишке киргизүүгө өзгөчө көңүл бурулууда. Аталган соода-логистикалык борборду ишке киргизүү өлкөлөр ортосундагы экспорттук-импорттук операцияларды өнүктүрүүгө чоң түрткү берет деп ишенем», – деди ал.

Белгилей кетсек, мурдагы Министрлер кабинетинин төрагасынын орун басары Азиз Аалиев Өзбек-Кыргыз өнүктүрүү фондунун Башкармалыгынын төрагасы болуп, 3 жылдык мөөнөткө дайындалган.

Мындан тышкары окуңуз

Май айындагы эс алуу күндөрү “Унаа” кызматы үзгүлтүксүз иштейт

1-майдан 10-майга чейин “Унаа” мамлекетик кызматынын бөлүмдөрү штаттык режимде иш алып барат. Бул тууралуу аталган кызматтын басма сөз кызматы ырастады. Май айындагы майрам күндөрү кайсы филиалдар иштейт: - Бишкек шаардык бөлүмү (Аю Гранд); - “Биримдик 24”; - Ош шаардык бөлүмү; - Ош аймактык бөлүмү; - Манас шаардык бөлүмү; - Жалал-Абад

Улуу Ата мекендик согуштун ардагерлерине 200 миң сомдук жардам көрсөтүлөт

Улуу Жеңиштин 81 жылдыгына карата Улуу Ата Мекендик согуштун ардагерлерине 200 миң сомдук бир жолку материалдык жардам көрсөтүлөт. Президент Садыр Жапаров кол койгон тескемеге ылайык, бул үчүн президенттин фондунан 4 миллион 848 миң сом бөлүнөт. Эмгек, социалдык камсыздоо жана миграция министрлигинин маалыматына таянсак, бүгүнкү күндө Кыргызстанда Улуу Ата Мекендик согуштун

Бишкекте кыргыз-кытай кызматташтыгынын жаңы багыттары каралды

Министрлер Кабинетинин Төрагасы Адылбек Касымалиев Кытай Эл Республикасынын Коргоо министри, Мамлекеттик кеңешинин мүчөсү адмирал Дун Цзюнь менен жолугушту. Бул тууралуу Өкмөттүн Басма сөз кызматынан билдиришти. Жолугушуунун жүрүшүндө тараптар Кыргызстан менен Кытайдын ортосундагы кызматташтыктын учурдагы абалын жана келечегин талкуулашты. Белгиленгендей, Кыргызстандын Президенти Садыр Жапаров менен Кытайдын Төрагасы Си Цзиньпиндин буга чейинки

2026-жылы 4 млрд сомго 1427 техника лизинг аркылуу берилди

Республиканын айыл чарба товар өндүрүүчүлөрүнө мамлекеттик колдоо көрсөтүлүп келет. Бул тууралуу айыл арба мнистрлигинин басма сөз кызматы билдирди. Маалыматка караганда, өндүрүштүн негизги каражаттарын техникалык жабдуу, өлкөнүн машина-трактор паркын кайра калыбына келтирүү жана модернизациялоо, техникалык кызмат көрсөтүүчү кызматтардын инфраструктурасын кеңейтүү, ошондой эле айыл чарба техникасын лизинг жолу менен өнүктүрүү үчүн 2011-жылдан