Айыл чарба министрлиги бул тармакка кампа күбөлүктөрүн берүүнү сунуштады

Бүгүн, 25-апрелде Агрардык саясат, суу ресурстары, экология жана регионалдык өнүктүрүү боюнча комитетинин жыйынында Айыл чарба министрлиги продукцияларга кампа күбөлүктөрүн берүүнү сунуштады.

Комитеттин жыйынында «Евразия экономикалык бирлигинин алкагында айыл чарба продукциясынын кампа күбөлүктөрүн берүү (чыгаруу), жүгүртүү жана сатып алуу эрежелери жөнүндө» макулдашуунун долбоору каралды. Кампа күбөлүктөрү аталган биримдикке кирген өлкөлөр ичинде гана таанылат жана бул каржы инструменти катары да колдонулмакчы.

Келишим кампа күбөлүктөрүн жүгүртүүгө жана сатып алууга бирдиктүү мамилелерди, мамлекеттик сактоонун типтүү келишимине талаптарды, кампага кампа күбөлүктөрүн берүү (чыгаруу) укугун белгилейт. Документ ошондой эле бул чөйрөдө мамлекеттик контролду камсыз кылуунун багыттарын жана кампа күбөлүгүндө камтылууга тийиш болгон милдеттүү маалыматтарды бекитет.

Депутат Султанбай Айжигитов белгилегендей, кампа күбөлүктөрү Мамлекеттик каржы көзөмөл органында гана эмес, товардык биржада да катталууга тийиш, анткени кампа күбөлүктөрү баалуу кагаздардын катарына кирет. Депутат Ырысбек Атажанов дыйкандар кампа, соода-логистикалык борборлорго муктаж экенин баса белгиледи. 

Талкуунун жыйынтыгында, Комитет депутаттардын сунуштарын эске алуу менен бул маселени кайра кароого жөнөттү.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кара-Балтада экологиялык мыйзам бузуу фактысы аныкталды

Агроөнөр жай тармагындагы 2 074 субъектке 6 млрд сомго жакын жеңилдетилген насыя берилди

Акыркы беш жылда өлкөдө 5,6 миң чакырым жолго асфальт төшөлдү

Нарын районунда 150 орундуу мектептин курулушу 95%га жетти

Кыргызстанда кызмат көрсөтүү тармагынын көлөмү 1,4 трлн сомдон ашты