Агроөнөр жай тармагындагы 2 074 субъектке 6 млрд сомго жакын жеңилдетилген насыя берилди
2026-жылдын ноябрь айына карата "Агроөнөр жай комплексин кредиттөө" долбоорунун алкагында 2 074 субъектке жалпы 5 млрд 999 млн 240 миң 714 сом жеңилдетилген насыя берилди. Бул тууралуу Айыл чарба министрлиги кабарлады.
Маалыматка караганда, каржылоо "АБанк" жана "Элдик Банк" ачык акционердик коомдору аркылуу жүргүзүлгөн.
Насыя каражаттары айыл чарба өндүрүшүн өнүктүрүүгө, продукцияны кайра иштетүүгө жана өндүрүштүк кубаттуулуктарды кеңейтүүгө багытталган.
Долбоор ата мекендик айыл чарба өндүрүүчүлөрүн колдоого, жаңы өндүрүштөрдү түзүүгө жана өлкөнүн азык-түлүк коопсуздугун камсыздоого багытталган.
Күндүн негизги жаңылыктары — Telegram каналыбызда
Каналга катталуу