Италиядагы кыргызстандык мигранттар которулган акча евро менен эмес, доллар менен берилип жатканына нааразы

Назира Абдиева

16 мая 2022 18:56

Италиядагы кыргыз атуулдары бийликке талап коюп, кайрылуу жолдошту. Алар которулган акча евро менен эмес доллар менен берилип жатканына нааразы болушууда. Мындай кайрылууну Бишкек Ишкердүүлүк Клубу өзүнүн Facebook баракчасында жарыялады.

Кайрылууда Италиядагы кыргызстандыктар евро менен которгон акчаларын КРда ала албай жатышканын, эмне үчүн еврону банктар доллар менен жөнөтүүнү талап кылып жатышканын айтып, нааразы болушкан.

«Еврозонадан евро которуу жана аны КР дан алуу системасын тез аранын ичинде тууралап, чечип бергиле! Талап кылабыз! Банктар, биз үйгө акча сала албай, салсак, ал жактан жакындарыбыз ала албай убара болуп, өтө көп чыгым болуп жатабыз! Биз бул жактан евро менен айлык алабыз! Эмне үчүн долларга алмаштырып туруп анан жибергиле деп, анан доллардын курсун өтө төмөн кылып туруп берип жатасыңар? Долларыңарды бизге чаптабагыла!

Европа боюнча Италиядан эң көп акча которуулар барат, он миңге жакын мекендештерибиз маңдай тери менен иштеп тапкан евронун ар бирин эсептеп, үйгө салганга аракет кылып жүрсөк, бизге туш тараптан тоскоолдуктар жаралып жатат. Беш мүнөттө жетчү акчаны эки жумалап ар кайсы банктын эшигин сагалап, үйдөгүлөр ала албай жүрүшөт.

Үйдө төлөнчү кредиттер, ипотекалар бар, бала-бакыра, ата-энелерибиз ачка олтурушат! Банктарда кезек күтүүлөр да чегинен чыгып жатыптыр. Бул жакта акча жөнөткөн системалар дагы комиссия төлөмүн күндөн күнгө кымбаттатып, жон терибизди ого бетер сыйыра башташты. Тезинен бул көйгөйлөрдү чечип бергиле, банктар жана бийликтегилер. ИТАЛИЯ. КЫРГЫЗ АТУУЛДАРЫ», – деп айтылат кайрылууда.

Эскерте кетсек, 18-апрелде бекитилген Улуттук банктын токтомуна ылайык, чет өлкөдөн которулган акча жөнөтүүчү өлкөнүн валютасында (Россия — рубль, Казакстан — теңге) же сом менен гана берилип жаткан. Өзгөртүүлөрдү киргизүүнү Улуттук банк акыркы мезгилде Россия жана Казакстандан АКШ долларында келип түшкөн акча которуулардын көлөмү кескин көбөйүп, кардарлар которуу валютасында берүүнү суранып жаткандыгы менен түшүндүргөн болчу.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”