«Омор Хайям эмес», Season Terace, «Таймс» жайларына айып пул салынды – рейд уланууда

Назира Абдиева

16 мая 2022 19:28

Биринчи май районунда коомдук жайларда тамеки чегүүгө тыюу салган мыйзамды жарандар тарабынан сакталышы боюнча рейддер уланып жатканын Бишкек мэриясынын маалымат кызматы кабарлады.

«КРнын жарандарына тамеки тартуунун, никотиндин жана тамекинин түтүнүнүн жана аэрозолдун таасиринин кесепеттеринен жарандардын ден соолугун коргоо жөнүндө» мыйзамынын талаптарын аткаруу максатында, Биринчи май районунун аймагында жайгашкан оюн-зоок жайларында – түнкү барларда, кальян, оюн/интернет клубдарда, сауналарда, бильярд залдарында рейддик иш-чаралар өткөрүлүүдө.

«9 мекеме текшерилип, бул жолу «Омор Хайям эмес» чайканасында, Season Terace ресто-барында жана «Таймс» барында мыйзам бузуулар аныкталып, бардык фактылардын негизинде санитардык-эпидемиологиялык көзөмөлдөө тарабынан 1-беренеге ылайык, 13 миң сом айып салуу боюнча протокол түзүлдү», – деп айтылат билдирүүдө.

Белгилей кетсек, тамеки чегүүгө каршы жеринде кыдырууну акимчиликтин, МАБдын, ИИМдин, ошондой эле Бишкек шаарынын мамлекеттик санитардык-эпидемиологиялык көзөмөл борборунун өкүлдөрү жүргүзүүдө.

Эскерте кетсек, өткөн жылдын сентябрь айынан тартып, Кыргызстанда коомдук жайларда тамеки, анын ичинде электрондук тамекилерди, кальяндарды жана аралашмаларды чегүүгө тыюу салган мыйзамга президент Садыр Жапаров кол койгон.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”