Товар жеткирүүчүлөр жана дистрибьюторлор электрондук эсеп-фактура менен иш алпарууга милдеттүү – МСК

Назира Абдиева

16 мая 2022 20:53

Товар жеткирүүчүлөр жана дистрибьюторлор электрондук эсеп-фактураны тариздөөгө милдеттүү. Бул тууралуу МСКнын маалымат кызматы билдирди.

Салык кызматы ири жеткирүүчүлөргө жана дистрибьюторлорго электрондук эсеп-фактураларды (ЭЭФ) берүү тартиби жөнүндө эскертет.

ЭЭФ маалыматтык системасында катталган жеткирүүчү эсеп-фактураны түзүү жана жүгүртүү тартибине ылайык, ЭЭФтин электрондук документ жүгүртүүсүнүн катышуучусу катары системада катталбаган сатып алуучуга электрондук эсеп-фактураны тариздейт.

Алсак, электрондук кол тамганы колдонуу менен электрондук эсеп-фактураны тариздөөгө жана сатып алуучуга ЭЭФтин басып чыгарылган нускасын берүүгө тийиш.

Салык мыйзамдарына ылайык, салык төлөөчү ККМ аркылуу эсептешүүлөрдү жүргүзгөн учурда калкка товарларды сатууда, кызмат көрсөтүүдө жана иштерди аткарууда эсеп-фактураны тариздебей коюуга укуктуу.

Салык төлөөчү товарларды жеткирүүдө, жумуштарды аткарууда жана кызмат көрсөтүүдө эсеп-фактура мурунку айдан кийинки айдын 10 жумушчу күнүнөн кечиктирбестен бирдиктүү эсеп-фактура менен таризделет. Товарларды экспорттоодо электрондук эсеп-фактура КРнын аймагынан товарлар ташып чыгарылганга чейин таризделет.

Эскерте кетсек, 2020-жылдын 1-июлунан тартып электрондук эсеп-фактураны КНС төлөөчүлөр, товарларды экспорттоочулар жана импорттоочулар колдонууга милдеттүү.

Мындан тышкары, 2022-жылдын 1-апрелинен тартып Кыргыз Республикасынын Министрлер Кабинетинин 2022-жылдын 18-мартындагы токтомуна ылайык, акыркы 12 айда түшкөн акчасынын көлөмү 8 млн сомдон ашкан салык төлөөчүлөр да ЭЭФ тариздөөгө тийиш.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”